ဒေါင်းနီကာရိုက်တာအတွက် ကြိုးစားနေတဲ့ အိန္ဒြာကျော်ဇင်ရဲ့ ပုံတွေကို မြင်ရတာ ကြက်သီးတောင်ထမိပါတယ်။ ကာရိုက်တာ အတွက် ကြိုးစားနေတာ ခန္ဓာကိုယ်မှာ ဒဏ်ရာတွေရနေတာတောင် သတိမထားနိုင်ခဲ့ဘူးတဲ့။
Photo : အိန္ဒြာကျော်ဇင် FB
သရုပ်ဆောင် အိန္ဒြာကျော်ဇင်တစ်ယောက် "ဒေါင်းနီ" ကာရိုက်တာအတွက် တကယ့်ကို ကြိုးစားနေတာ တွေ့ရပါတယ်။ "ဟစ်တိုင်" ရုပ်ရှင် ဇာတ်ကား တစ်ခုလုံးကို ဦးဆောင်ရတဲ့ ဒေါင်းနီအတွက် သူမရဲ့ခန္ဓာကိုယ်ကိုတောင် ဂရုမစိုက်နိုင်ပဲ ကာရိုက်တာအတွက်သာ အဓိက ထားကြိုးစားနေတာပါ။
သူမေ့ဖစ်ဘွတ်မှာ တင်ထားတဲ့ ရိုက်ကွင်းက ပုံတွေကို ကြည့်တာနဲ့တင် သူမရဲ့ ကြိုးစားအားထုတ်မှုက ကြက်သီးထစရာကောင်းနေပါတယ်။
Photo : အိန္ဒြာကျော်ဇင် FB
ဒေါင်းနီကာရိုက်တာအတွက် ကြိုးစားရင်းနဲ့ သူမရဲ့ ခန္ဓာကိုယ်မှာလည်း ဒဏ်ရာတွေ ပြည့်လို့နေပါတယ်။ ဒါပေမယ့်လည်း သူမက ကျေနပ်စွာ ခံယူနေတယ်လို့ ဇူလိုင်(၁၉)ရက်နေ့က သူမရဲ့ ဖေ့စ်ဘွတ်စာမျက်မှာ ရေးသားထားပါတယ်။
"ဒီကနေ့ "ဒေါင်းနီ" နဲ့ "ဟစ်တိုင်"ကပေးတဲ့ဒဏ်ရာတွေပါ...(ကျေနပ်စွာခံယူပါတယ်)" ဆိုပြီး ပြောထားတာပါ။ သူမရဲ့ ကြိုးစားအားထုုတ်မှုကို ပရိသတ်တွေ ကလည်း အသိအမှတ်ပြု အားပေးလို့နေပါတယ်။
Photo : အိန္ဒြာကျော်ဇင် FB
မေတိုးခိုင်ရဲ့ မွေးနေ့အလှူမှာ ကိုယ်တိုင်ပါဝင်ပေးခဲ့တဲ့ အိန္ဒြာကျော်ဇင်
အိန္ဒြာကျော်ဇင်ရဲ့ ပရိသတ်တွေက သူမကို ဒီဇာတ်ကားနဲ့ အကယ်ဒမီဆုကြီးကို ပိုင်ဆိုင်စေချင်နေတာလည်း တွေ့ရပါတယ်။ အိန္ဒြာကျော်ဇင် ဟာ "ဟစ်တိုင်"ရုပ်ရှင်ဇာတ်ကားမှာ အမှန်တရားဘက်က ရပ်တည်တတ်ပြီး မဟုတ်ခံစိတ်ဓာတ်ရှိတဲ့ မိန်းမတစ်ယောက်ဖြစ် တယ်လို့ ဇူလိုင်(၄) ရက်နေ့က ဟစ်တိုင် ဇာတ်ကားကန်တော့ပွဲကို တက်ရောက်လာရင်း မီဒီယာတွေကို ဖြေဆိုခဲ့တာ ဖြစ်ပါတယ်။
'' ဒီဇာတ်ကားထဲမှာ ဒေါင်းနီရဲ့ ဇာတ်ရုပ်ပေါ့နော်။ ဒေါင်းနီက အမှန်တရားဘက်ကနေ ရပ်တည်တဲ့မိန်းမတစ်ယောက်၊ မဟုတ်မခံပေါ့နော် သူ့ရဲ့ဘဝမှာ သူ့သမီးလေးတစ်ယောက်ပဲ။ သူ့သမီးအတွက်ဆို အရာအားလုံးကို စွန့်လွှတ်နိုင်တယ်။ နောက်ဆုံးတော့ ဒီသက်ငယ်မုဒိမ်းနဲ့ သူက ပညာပေးထားတာပေါ့နော်။ ကလေးကို ကျူးလွန်လိုက်တဲ့ အပြစ်အတွက် လက်တုံ့ပြန်လိုက်တဲ့ မိန်းမတစ်ယောက်ပေါ့''လို့ ဆိုပါတယ်။
Photo : အိန္ဒြာကျော်ဇင် FB
"ဟစ်တိုင်" ရုပ်ရှင်ဇာတ်ကားဟာ စာရေးဆရာမ သျှင်မရဲ့ ဝတ္ထုကို ပြန်လည်ပုံဖော်ထားတာ ဖြစ်ပြီး ယင်းဇာတ်ကားကို ဒါရိုက်တာ ဟိန်းစိုးက ရိုက်ကူးနေတာ ဖြစ်ပါတယ်။
အဲ့ဒီဇာတ်ကားမှာ အကယ်ဒမီ အိန္ဒြာကျော်ဇင်၊ အကယ်ဒမီမေသန်းနု၊ စိုင်းဝဏ္ဏအောင်၊ ထူးပြည့်အောင် ၊ဇင်မျိုး ၊ ရဲမွန် ၊ စိုးမိုးကြည်၊ သန်းသန်းစိုး ၊ လှမျိုးသဉ္ဇာနွယ်၊ သရုပ်ဆောင်များစွာ တို့ နှင့်အတူ ကလေးသရုပ်ဆောင် ပြည့်ပြည့်တို့ က အဓိက ပါဝင်သရုပ်ဆောင် လျက်ရှိပါတယ်။
အိန္ဒြာကျော်ဇင်ဟာ ၁၉၉၆ တစ်ခုနှစ်ထဲမှာပဲ MISS KOKKINE & MISS CHRISTMAS ၂ဆုလုံး ရထားတဲ့ Miss ၁ ဦးဖြစ်ခဲ့ဖူးပါတယ်။ အိန္ဒြာကျော်ဇင်ဟာ အနုပညာလောကထဲမှာ အောင်မြင်တဲ့ သရုပ်ဆောင်တစ်ဦးအဖြစ် ခိုင်မာစွာ ရပ်တည်နေနိုင်သူ တစ်ဦးဖြစ်ပြီး ၂၀၀၄ ခုနှစ်မှာ "မျက်နှာများတဲ့မိုးကောင်းကင်" ရုပ်ရှင်ဇာတ်ကား၊ ၂၀၁၇ခုနှစ်မှာ "ရင်ဘက်ထဲကဓား" တို့နဲ့ ဇာတ်ဆောင်ဆုတွေကို ပိုင်ဆိုင်နိုင်ခဲ့ သူပါ။
အိန္ဒြာကျော်ဇင်ဟာ သရုပ်ဆောင်ပြေတီဦးနဲ့ ၂၀၁၁ခုနှစ် ဇန်နဝါရီ ၁ရက်နေ့မှာ လက်ထပ်ခဲ့ပြီး ပြေသုဒြာနဲ့ ပြေဓီရဆိုတဲ့ ရင်သွေးလေး နှစ်ယောက်နဲ့ သာယာတဲ့ မိသားစုဘဝလေးကို ပိုင်ဆိုင်ထားသူ တစ်ဦးဖြစ်ပါတယ်။
Share