Photo : နန္ဒာလှိုင် FB

သူမကိုယ်တိုင် ဦးစီးပြီးတော့ ရေကြီးခဲ့တဲ့ နေရာတွေသတွေကို ရေသန့်ဆေးပြားတွေ လှူဒါန်းနိုင်ဖို့ လှုံဆော်နေတာ တွေ့ရပါတယ်။ သူမလည်း ကိုယ်တိုင် လှူသလို သူမရဲ့ မိတ်ဆွေအပေါင်းအသင်း ပရိသတ်တွေ လည်း ပါဝင်လှူဒါန်းဖို့ အတွက် ဆော်သြထားပါတယ်။

Photo : နန္ဒာလှိုင် FB

Photo : နန္ဒာလှိုင် FB

တိုက်ခိုက်နေတဲ့သူတွေကို မေးခွန်းပြန်ထုတ်လိုက်တဲ့ နန္ဒာလှိုင် 

နန္ဒာလှိုင်ဟာ မွန်ပြည်နယ်သထုံမြို့ အခြေစိုက်ငယ်ရိပ်ဟောင်း ပညာရေးဖောင်ဒေးရှင်းနဲ့ Green Day Youth Network တို့ ပူးပေါင်းပြီး လှူဒါန်းမှုတွေ လုပ်နေတာပါ။ သထုံမြို့နယ်အတွင်းမှာ ရှိတဲ့ရေဘေးသင့် ကျေးရွာများ ဖြစ်ကြတဲ့ ဒူးရင်းဆိပ်ကျေးရွာအုပ်စု၊ ဈေးမသွယ်အထက် ကျေးရွာအုပ်စု၊ ဆင်ကျုံးကျေးရွာအုပ်စု၊ကြက်တူရွေးသောင်ကျေးရွာအုပ်စုများရှိ ဒေသခံပြည်သူလူထု တစ်သောင်းကျော်အတွက် သန့်ရှင်းတဲ့ သောက်ရေရရှိဖို့  ရေသန့်ဆေးပြားတွေ အလှူခံနေတာ ဖြစ်ပါတယ်။

Aqua tabs ရေသန့်ဆေးပြားအလှူရှင်များကို ကောက်ခံပြီး သထုံမြို့အနီးကရွာတွေအတွက် ငယ်ရိပ်ဟောင်းဖောင်ဒေးရှင်းကနေတဆင့် လှူဒါန်းလျက်ရှိပါတယ်။

Photo : နန္ဒာလှိုင် FB

အခုလက်ရှိမှာတော့ သြဂုတ်လ(၆)၇က်နေ့က ဗူး(၇၀၀)ပို့ပြီးပြီဖြစ်သလို သြဂုတ်လ(၇) ရက်နေကမှာ ဗူး(၇၀၀) ပို့ဆောင်ပြီးသွားပြီလို့ နန္ဒာလှိုင်က ဆိုပါတယ်။သြဂုတ်လ(၈) ရက်နေ့မှာတော့  နောက်ထပ် ရေသန့်ဆေးဗူး (၆၀၀) ထပ်ပြီး လှူဒါန်းသွားမယ်လို့ သိရပါတယ်။

အိမ်ထောင်ကျသွားပြီးနောက်ပိုင်း အနုပညာအလုပ်တွေကို နားထားခဲ့တဲ့ နန္ဒာလှိုင်ကတော့ ပရိသတ်တွေရဲ့ အားပေးမှုကို အခိုင်အမာ ရရှိထားသူ သရုပ်ဆောင် တစ်ဦးလည်း ဖြစ်ပါတယ်။

Photo : နန္ဒာလှိုင် FB

ရုပ်ရည်ရော ခန္ဓာကိုယ်ပါ အလှဆုံး သရုပ်ဆောင် မင်းသမီးတစ်လက်အဖြစ် နာမည်ကြီးခဲ့တဲ့ နန္ဒာလှိုင်ဟာ အိမ်ထောင်ပြုပြီး နောက်မှာ တော့ သူမရဲ့အိမ်ထောင်ရေးမှာပဲ စိတ်နှစ်ကာ သမီးလေး ၃ ယောက်ကို ထိန်းရင်း အိမ်ရှင်မကောင်းတစ်ယောက်အဖြစ် သူမရဲ့ ဘဝကို တည်ဆောက် နေသူဖြစ်ပါတယ်။

အနုပညာလောကမှာ တစ်ချိန်က အောင်မြင်ခဲ့တဲ့ သူမဟာ ၁၉၉၈ခုနှစ်က ရွှေနန့်သာစံအိမ်နဲ့ အကောင်းဆုံးအမျိုး သမီးဇာတ်ပို့ဆုနဲ့ ၂၀၀၆ ခုနှစ်က တောင်တံမန်သစ္စာဇာတ်ကားနဲ့အကောင်းဆုံးအမျိုးသမီးဇာတ်ဆောင်ဆု  စတဲ့ အကယ်ဒမီရွှေစင်ဆုနှစ်ဆုကို ရရှိပိုင် ဆိုင်ခဲ့သူ တစ်ယောက် လည်း ဖြစ်ပါတယ်။