ဇာတ်ပို့သရုပ်ဆောင် တက္ကသိုလ်ဂွမ်းပုံက သြဂုတ်လ ၃၁ ရက်နေ့မှာ ကျရောက်မယ့် သူ့ရဲ့ မွေးနေ့ပွဲမှာ အလှူအတန်းတွေ လုပ်မယ်လို့ သိရ ပါတယ်။ သူ့အနေနဲ့ ဇာတ်ကားတွေ ဆက်တိုက်ရိုက်နေရချိန်မှာတောင် အလှူအတန်းတွေကို မပြတ်လတ် အောင် ဆောင်ရွက်တတ်သူပါ။
Photo: Gone Pone Lay facebook
သြဂုတ်လ ၃၁ ရက်နေ့က ဇာတ်ပိ့ုသရုပ်ဆောင် တက္ကသိုလ်ဂွမ်းပုံရဲ့ မွေးနေ့ဖြစ်ပါတယ်။ မွေးနေ့ မတိုင်ခင်မှာတော့ သူ့ရဲ့ နေအိမ်မှာ အေးချမ်း အောင်မြင် အုတ်ခွက်ဘုရားကြီးကို ပင့်ဆောင်ပူဇော်ခဲ့ပါတယ်။ မွေးနေ့ရက်မတိုင်ခင် လာရောက် ပူဇော်သူတွေကိုလည်း အအေး၊ မုန့်တွေနဲ့ ဧည့်ခံသွားမယ်လို့ ဂွမ်းပုံလေးက ပြောပြထားပါတယ်။
"ဂွမ်ဂွမ်းရဲ့(August လ ၃၁ ရက်နေ့)မှာ ကျရောက်မဲ့မွေးနေ့အကြိုအဖြစ် ဗုဒ္ဓဂယာမှ"အေးချမ်းအောင်မြင်အုတ်ခွက်ဘုရားကြီးအား ဂွမ်းဂွမ်း ရဲ့သင်္ကန်းကျွန်းနေအိမ်တွင် ပင့်ဆောင်ပူဇော်နေပါသည်။ လာရောက် ဖူးမျှော် ကြည်ညိုသူများအား(29ရက်နေ့တွင်ခေါက်ဆွဲကြော်အအေးနှင့် ဧည့်ခံပြီး ၃၀ရက်နေ့တွင် ဒန်ပေါက်၊ ရေခဲမုန့်၊ ဧည့်ခံလှူဒါန်း သွားပါမည်ရှင်" ဆိုပြီးတော့ သြဂုတ်လ ၂၉ ရက်နေ့ ညနေ ၄ နာရီက သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။
Photo: Gone Pone Lay facebook
တက္ကသိုလ်ဂွမ်းပုံဟာ အခုလက်ရှိမှာ ရုပ်ရှင်ဇာတ်ကားကြီးတွေ ဆက်တိုက်ရိုက်ကူးနေရတာကို တွေ့ရပါတယ်။ ကမ်းလှမ်းလာတဲ့ ဇာတ်ရုပ် တိုင်းကို ပီပြင်အောင် အကောင်းဆုံးကြိုးစားတတ်တဲ့ တက္ကသိုလ်ဂွမ်းပုံက ၂၀၁၆ခုနှစ်အတွက် အကောင်းဆုံးအမျိုးသမီး ဇာတ်ပို့ဆုကို ''ဤအရာကို အချစ်ဟုခေါ်သလား'' ရုပ်ရှင်ဇာတ်ကားကြီးနဲ့ အကယ်ဒမီဆုကို ပိုင်ဆိုင်ခဲ့ပါတယ်။
Photo: Gone Pone Lay facebook
သူ့အနေနဲ့ ၂၀၁၇ ခုနှစ်က စပြီး နားရက်မရှိအောင်ကို ဇာတ်ကားတွေရိုက်နေရတာပါ။ သူ့အနေနဲ့ အနုပညာအလုပ်တွေလည်း ဆောင်ရွက်နေ ရသလို အလှူအတန်းတွေ လုပ်တဲ့နေရာမှာလည်း လက်မနှေးသူတစ်ယောက်ဖြစ်ပါတယ်။ အခုချိန်မှာတော့ ပရိသတ်အချစ်ကို အများကြီး ပိုင် ဆိုင်ထားတဲ့ ဇာတ်ပို့သရုပ်ဆောင်တစ်ယောက်ဖြစ်လို့နေပါပြီ။
Photo: Gone Pone Lay facebook
ဂွမ်းပုံလေးရဲ့ အနုပညာသက်တမ်းကတော့ အရမ်းကို ကြာနေပါပြီ။ ရုပ်ရှင်ဇာတ်ကား အဖြူအမည်း ခေတ်ကတည်းက အနုပညာအလုပ်ကို ဆောင်ရွက်လာတဲ့သူဖြစ်ပါတာ်။ သူ့အနေနဲ့ အိမ်အကူ ကာရိုက်တာ၊ မင်းသမီးရဲ့ သူငယ်ချင်းနေရာ၊ အဒေါ်နေရာ၊ အမေ နေရာ နဲ့ အစ်မကြီး နေရာတွေမှာ အများဆုံး ပါဝင်သရုပ်ဆောင်ရသူဖြစ်ပါတယ်။