Photo: soe myat nandar page

''မိုးကျကထိန် လေးလှူချင်တဲ့ ကိုယ်တွေ နှစ်ယောက်အတွက် အပင်ပန်းခံ၊ အလုပ်ပျက်ခံပြီး ကထိန်မရသေးတဲ့ကျောင်းကို ဝိုင်းဝန်းကူရှာ ပေးတဲ့၊ ကျိုက်ထို ထိ လဲ လိုက်ခဲ့ပေးတဲ့ Group က ချစ်သူတွေကို ကျေးဇူးတင်ပါကြောင်း။ ကျောင်း ရှာပုံတော်ခရီးကိုလိုက်ခဲ့ကြတဲ့၊ အစစ အရာရာကူညီပေးကြတဲ့ , လှူဒါန်းပေးကြတဲ့ Group နှစ်ခုလုံးမှ အဖွဲ့ဝင်များ''ကို အခုလိုကျေးဇူးတင်စကားပြောပြခဲ့ပါတယ်။

Photo: soe myat nandar page

ပိုးထည်ဆိုင်အတွက် မကြီးစိုးက နာမည်ရွေးပေးမှာလို့ ဆိုလိုက်တဲ့ စိုးမြတ်နန္ဒာ 

စိုးမြတ်နန္ဒာဟာ ဒီလို အလှူပြုလုပ်လိုက်ရတဲ့ ကုသိုလ်အပေါ်မှာလည်း ကျေနပ်ပီတိဖြစ်ခဲ့တာကိုတွေ့ရပါတယ်။ We Love လေးတွေအပြင် အစစအရာရာ ကူညီပေးခဲ့ကြတဲ့ မိတ်ဆွေ အပေါင်းအသင်းတွေကိုလည်း သူ့ရဲ့ ဖေ့ဘွတ်ပေ့ချ်ကနေတဆင့် နိုဝင်ဘာလ ၁၉ ရက်နေ့ ညနေ ၅ နာရီခွဲက သူ့ရဲ့ ဖေ့စ်ဘွတ်မှာ ရေးသားခဲ့တာဖြစ်ပါတယ်။

''ကျိုက်ထီးရိုး တောင်ပေါ်ကိုတက်ဖို့ အစစအရာရာအဆင်ပြေအောင်တာဝန်ယူပေးတဲ့ " ရိုးရိုးလေး ဟိုတယ်" ပိုင်ရှင် ဦးသိန်းနိုင် နှင့် ဝန်ထမ်း များ အားလုံးဘုရားပေါ်မှာ ဆုံတွေ့ခဲ့ကြသူများအားလုံး ကို ကျေးဇူး အထူး တင်ပါတယ်ရှင့်။ စိတ်၏ ချမ်းသာခြင်း ကိုယ်၏ကျန်းမာခြင်း နှင့် ပြည့်စုံကြပါစေရှင်'' လို့ ဆက်လက်ပြောပြခဲ့တာကို တွေ့ရပါတယ်။

Photo: soe myat nandar page

အခုဆိုရင် သရုပ်ဆောင်စိုးသူနဲ့ စိုးမြတ်နန္ဒာတို့ဟာ ချစ်သူသက်တမ်း (၅) နှစ်ကျော်ထဲ ရောက်ရှိနေပြီဖြစ်ပါတယ်။စိုးသူနဲ့ စိုးမြတ်နန္ဒာ တို့ဟာ ခရီးတွေ အတူတူဆိုသလို သွားဖြစ်နေတာကို တွေ့ရပါတယ်။ သူတို့နှစ်ဦးဟာ အနုပညာလောကမှာ နေရာတစ်နေရာစီကို ခိုင်ခိုင် မာမာရရှိထားသူတွေလည်း ဖြစ်ပါတယ်။

Photo: soe myat nandar page

သားဖြစ်သူရဲ့ ဝေယျာဝစ္စတွေကို လုပ်ပေးရင်း မိခင်တစ်ယောက်ရဲ့ တာဝန်ကို ထမ်းဆောင်နေတဲ့ သရုပ်ဆောင် စိုးမြတ်နန္ဒာ ကတော့ ဇာတ်ကား ရိုက်ကူးမှုတွေ နားထားတာကိုလည်း တွေ့ရပါတယ်။ မကြာခင်မှာလည်း စိုးသူရိုက်မယ့် ရုပ်ရှင်ဇာတ်ကားမှာ စိုးမြတ်နန္ဒာက တောက်တိုမယ်ရ ဝင်လုပ်ရဦးမယ်လို့ ပြောထားပါတယ်။