ဒီရေမွှေးရနံ့ကတော့ လန်ထွက်နေတာပဲလို့ ရေရွတ်မိမယ့် ရနံ့ပါ။ ဆေးခြောက် (Weed) ရနံ့နဲ့ ထုတ်လုပ်ထားတာဖြစ်ပါတယ်။ အမေရိကန်ပြည်ထောင်စု၊ လော့စ်အန်ဂျလိစ်အခြေစိုက် ရေမွှေးကုမ္ပဏီဖြစ်တဲ့ Xyrena က ဆန်းသစ်ထုတ်လုပ်လိုက်တာပါ။ ဆွတ်ဖျန်းထားလိုက်တာနဲ့ ဆေးခြောက်အနံ့ စွဲကျန်နေမယ်လို့ ဆိုပါတယ်။

Xyrena ရေမွှေးတွေဟာ အမျိုးသမီးရော အမျိုးသားတွေပါ သုံးစွဲနိုင်မှာဖြစ်ပြီး ဆေးခြောက်ရနံ့ကိုမှ သုံးမျိုးခွဲခြားထားပြန်ပါတယ်။ Blue Dream ၊ OG Kush နဲ့ Space Cake ဆိုပြီး သုံးမျိုးရှိပါတယ်။ ဒါပေမဲ့သုံးမျိုးလုံးမှာ တကယ့်ဆေးခြောက် မပါဝင်ပါဘူး။ အနံ့ပေါ်အောင် အခြားအရာတွေနဲ့ ပေါင်းစပ်ထားရုံသာဖြစ်ပါတယ်။ ရေမွှေးတစ်ပုလင်းကို ကျပ်တစ်သိန်းဝန်းကျင် (၇၄.၂ ဒေါ်လာ) နဲ့ ရောင်းချနေတယ်လို့ သိရပါတယ်။

သင်အကြိုက်တွေ့ဦးမယ့်ဆောင်းပါး ---> ခန္ဓာကိုယ်ပေါ်မှာ ရေမွှေးဆွတ်ဖို့ အကောင်းဆုံးနေရာများ