၁ - ဂီတ

ငယ်ငယ်ရွယ်ရွယ်ကတည်းက သူတို့ကို ဂီတနဲ့ ပေးထိတွေ့သင့်ပါတယ်။ သူတို့ဘက်က ဘယ်လိုဂီတအမျိုးအစားကို စိတ်ဝင်စားမှုရှိနေလဲဆိုတာ စောင့်ကြည့်သင့်ပါတယ်။ ဂစ်တာ၊ တယော၊ စန္ဒယား စတဲ့ ဂီတသင်တန်းတွေကို ပို့ကြည့်သင့်ပါတယ်။ ဂီတဟာ ကလေးရဲ့ညဏ်ရည်နဲ့ အာရုံစူးနိုင်မှုအားကိုပါ ကောင်းစေပါတယ်။ အရင်ဆုံး ကလေးကို စိတ်ဝင်စားလားမေးပြီး စိတ်ဝင်စားတယ်ဆိုမှ ပို့ပါ။ စိတ်မဝင်စားဘူးဆိုရင်တော့ အားကစားလို တခြားအရာတွေကို စဉ်းစားသင့်ပါတယ်။

(သင်စိတ်ဝင်စားနိုင်မယ့် ဆောင်းပါး - ဘွားဘွားကို ချစ်သူတွေသာ သိနိုင်မယ့်အရာ (၇) ခု)

၂ - ပန်းချီနဲ့ လက်လုပ်အနုပညာ

၃ - ခရီးထွက်

နွေရာသီမှာ ကလေးတွေနဲ့အတူ ခရီးထွက်တာမျိုးလည်း လုပ်ပေးပါ။ အနည်းဆုံး စိတ်ဝင်စားစရာနေရာတွေကို လည်ပတ်တာမျိုးတော့ လုပ်ပေးရမှာ ဖြစ်ပါတယ်။ သူတို့ကို ပျော်ရွှင်စေရုံသာမကဘဲ သူတို့ရဲ့ စူးစမ်းလေ့လာချင်စိတ်တွေကိုပါ နှိုးဆွနိုင်ပါတယ်။ မိသားစုနွေးထွေးမှုကိုလည်း ပိုမို ရရှိစေပါတယ်။

(သင်စိတ်ဝင်စားနိုင်မယ့် ဆောင်းပါး - သားသမီး အုပ်ချုပ်ပုံနဲ့ပတ်သက်ပြီး အဖေတွေ ဖျောက်ရမယ့် အကျင့် (၇) မျိုး )

၄ - အားကစား

အားကစားကတော့ ခန္ဓာကိုယ်ကြံ့ခိုင်သန်စွမ်းဖို့နဲ့ စိတ်လက်ပေါ့ပါးစေဖို့ပါ။ ရေကူး၊ ကိုယ်ခံပညာနဲ့စတဲ့ အားကစားပေါင်းများစွာ ရှိတဲ့အထဲက သူကြိုက်နှစ်သက်ရာကို ရွေးပါစေ။ အားကစားဟာ ပူးပေါင်းလုပ်ဆောင်တတ်မှု၊ သင်ယူလေ့လာတဲ့နေရာမှာ ပါးနပ်မှုတွေကို ရရှိစေပါတယ်။

၅ - စာအုပ်တွေရဲ့ အင်အား

ဒါကတော့ မလုပ်မဖြစ်ကို လုပ်ရမှာပါ။ စာအုပ်အတင်းဖတ်ခိုင်းတာထက် သူတို့ရှေ့မှာ စာအုပ်တွေ ရှိနေဖို့ လိုပါတယ်။ အကောင်းဆုံးနည်းကတော့ စာအုပ်ဆိုင်ခေါ်သွားပြီး သူတို့ကြိုက်တဲ့ စာအုပ်ကို ရွေးခိုင်းတာမျိုးပါ။ နွေရာသီမှာ စာအုပ်ဖတ်တဲ့ အကျင့်ကို တမင်တကာ ပြုစု ပျိုးထောင်သင့်ပါတယ်။ စာဖတ်နိုင်စွမ်းကို အကဲခတ်ပြီး သူ့အရွယ်မှာဖတ်သင့်တဲ့စာအုပ်တွေ သူရှေ့မှာ လွယ်လွယ်ကူကူ ရှိနေအောင် သင်က ဖန်တီးပေးထားရမှာ ဖြစ်ပါတယ်။

၆ - ကစားချိန်

နွေရာသီမှာ ဘာသာစကားတွေကို သင်ယူခိုင်းတာကလည်း ကောင်းပါတယ်။ ဒါပေမဲ သင့်ကလေးအတွက် ကစားချိန် အမြောက်အများရှိဖို့ လိုပါတယ်။ ကျောင်းတက်နေရတဲ့အချိန်ထက် ပိုအားလပ်သွားတယ်ဆိုတာ သိသာထင်ရှားဖို့ လိုပါတယ်။ အထက်ပါ လှုပ်ရှားမှုတွေအားလုံးဟာလည်း သူ့ဘက်က စိတ်ဝင်စားတဲ့ အရိပ်အယောင်ပြမှ ကိုယ့်ဘက်က စီစဉ်သင့်ပါတယ်။

(သင်စိတ်ဝင်စားနိုင်မယ့် ဆောင်းပါး - မနက်ခင်းမှာ စိတ်ချမ်းသာစွာ)

Photos & Source: IFCS