Photo - Virgin Experience Days

မန်စီးတီးကို ရှုံးနိမ့်အပြီး အမ်မရီကို တောင်းဆိုမှုတစ်ခု ပြုလုပ်ခဲ့တဲ့ အူဘာမီယန် 

ဒီနှစ်မှာတော့ ကွင်းသစ်ကြီး ပြီးစီးခဲ့ပြီဖြစ်လို့ ပွဲစဉ်တွေကို အိမ်ကွင်းသစ်ကြီးမှာ ပြန်လည် စတင်ကစားတော့မယ်လို့ သတင်းတွေ ထုတ်ပြန်ခဲ့ပေ မယ့်လည်း အခုတော့ အသုံးပြုနိုင်အုံးမှာ မဟုတ်ဘူးလို့ သိရပြန်ပါတယ်။

Photo - LE BUZZ - Eurosport

အကြောင်းကတော့ ကွင်းရဲ့ လုံခြုံရေး အစိတ်အပိုင်းတွေ စိတ်ချမှု စစ်ဆေးမပြီးသေးလို့ ဖြစ်တယ်လို့သိရပြီး မူလ ငှားရမ်းထားတဲ့ ဝင်ဘလေ ကွင်းကို ဆက်လက်အသုံးပြုရဦးမှာပါ။

စပါးအသင်းအနေနဲ့ မူလက စက်တင်ဘာလ ၁၅ ရက်နေ့မှာ အိမ်ကွင်းပွဲစဉ်ကို လီဗာပူးအသင်းကို စတင်ဧည့်ခံ ကစားဖို့ ရည်ရွယ်ခဲ့ပေမယ့်လည်း အခုလို အခြေအနေကြောင့် ဒီပွဲကို ဝင်ဘလေမှာသာ ခံစားနိုင်တော့မှာပါ။

Photo - Twitter

ဆက်လက်ပြီး နောက်ထပ် အောက်တိုဘာ ၆ မှာ ကစားရမယ့် ကာဒစ်နဲ့ ပွဲကိုလည်းဝင်ဘလေကို ထပ်မံ ရွှေ့ဆိုင်းလိုက်ရပြန်ပြီး အောက်တိုဘာ လ ၂၈ ရက်နေ့မှာ မန်စီးတီးနဲ့ ကစားမယ့် ပွဲမှသာ အိမ်ကွင်းစတင်အသုံးပြုနိုင်ဖို့ ရှိနေပါတယ်။

အခုလို အခြေအနေနဲ့ ပတ်သက်ပြီး စပါးအသင်း ဥက္ကဌက -"ဒီသတင်းက စပါးအသင်းကို အားပေးဖို့ စောင့်ဆိုင်းနေတဲ့ သူတွေအတွက် စိတ်ပျက် စရာ သတင်းပါ။" လို့ ပြောခဲ့ပါတယ်။

စပါးအသင်းကတော့ လက်ရှိမှာ အဖွင့်ပွဲအဖြစ် နယူးကာဆယ်အသင်းရဲ့ အိမ်ကွင်းမှာ ကစားခဲ့ရာမှာတော့ ၂-၁ ဂိုးနဲ့ အနိုင်ရရှိထားပြီး ဒုတိယ ပွဲအဖြစ်တော့ လာမယ့် သြဂုတ် ၁၈ ရက်နေ့မှာတော့ ဖူဟမ်အသင်းကို ဝင်ဘလေကွင်းမှာ ဧည့်ခံ ကစားပါမယ်။