Photos: Metro

ဘာနေဗျူးကို စွန့်ခွာခဲ့တာနဲ့ ပတ်သက်ပြီး ပီရက်ဇ်ကို ဒဲ့ပြောလိုက်တဲ့ ရော်နယ်ဒို 

Photos: Metro

ဂျူဗင်တပ်အသင်းကို ပြန်လည်ပြောင်းရွှေ့ဖို့စဉ်းစားထားလားလို့ ပေါ့ဂ်ဘာကို Sky Sport Italia က ပွဲအပြီးမှာ မေးမြန်းခဲ့ရာမှာ အခုလိုပဲ ပြန်လည်ဖြေကြားခဲ့ပါတယ်။

"ဘယ်သူ သိနိုင်မှာလဲ။ အခု ကျွန်တော် မန်ယူအသင်းမှာပါ"

"အဲဒီအကြောင်းနဲ့ပတ်သက်ပြီး ပြောနေကြတာအများကြီးပါ။ ဒါပေမယ့် ကျွန်တော် မန်ချက်စတာယူနိုက်တက်အသင်းအတွက် ကစားပေးရတာ ပျော်ရွှင်နေပါတယ်"

"အနိုင်ရလဒ်က အရေးကြီးပါတယ်။ ဒါပေမယ့် ဂျူဗင်တပ်ပရိသတ်တွေက ကျွန်တော့်ကို နွေးထွေးတဲ့ကြိုဆိုမှု ပေးခဲ့ကြပါတယ်"

"ကျွန်တော်တို့ ၂ ဂိုး ၁ ဂိုးဖြစ်သွားတဲ့အချိန်မှာ အောင်ပွဲမခံခဲ့ပါဘူး။ အဲဒါက အရမ်းကို ထူးဆန်းတယ်လို့ ခံစားခဲ့ရလို့ပါ။ ကျွန်တော် ကောင်းကောင်းသိတဲ့လူတွေ အများကြီးကို မြင်တွေ့ခဲ့ရပါတယ်။ ကောင်းမွန်တဲ့အသင်းတစ်သင်းနဲ့ ကျွန်တော်တို့ ယှဉ်ပြိုင်ခဲ့ရတာပါ။ ဒီညမှာ ကျွန်တော်တို့ တကယ်အနိုင်ရခဲ့ပါတယ်"

"ဒီကို ပြန်လာရတာ အရမ်းကို အံ့သြဖို့ကောင်းပါတယ်။ အဝတ်လဲခန်းထဲကို သွားရတာလည်း ထူးဆန်းတဲ့ခံစားမှုမျိုး ခံစားခဲ့ရပါတယ်။ ကျွန်တော် ဂျူဗင်တပ်အသင်းသားတစ်ယောက်အဖြစ် နေသားကျခဲ့ပါတယ်"

"ပရိသတ်တွေရဲ့တုံ့ပြန်မှုက ကျွန်တော့်ကို အရမ်းတက်ကြွစေပါတယ်။ သူတို့ကို ကျွန်တော်လွမ်းပါတယ်။ အီတလီဘောလုံးလောကကိုရောပေါ့"

"ဒီကွင်းကြီးထဲကို ပြန်လာရတာ အရမ်းကောင်းပါတယ်။ ဒီနေရာမှာ ကျွန်တော် စတင်ခဲ့ပြီး ကြီးမားတဲ့ဆုဖလားတွေ ရရှိခဲ့တာပါ"လို့ ပြောကြားခဲ့ပါတယ်။