AD
AD
AD

မန်ချက်စတာယူနိုက်တက်အသင်းရဲ့ကွင်းလယ်ကြယ်ပွင့်ပေါ့ဂ်ဘာက ဂျူဗင်တပ်အသင်းအိမ်ကွင်းမှာ ၂ ဂိုး ၁ ဂိုးနဲ့ အနိုင်ရရှိခဲ့တဲ့ပွဲစဉ်အပြီး အဝတ်လဲခန်းအတွင်းကို ပြန်ဝင်ရတာဟာ ထူးဆန်းသလိုမျိုးခံစားခဲ့ရတယ်လို့ ဝန်ခံပြောကြားခဲ့ပါတယ်။ မန်ချက်စတာယူနိုက်တက်အသင်းဟာ ဂျူဗင်တပ်အသင်းကို ပွဲပြီးခါနီး ၅ မိနစ်မှာ ၂ ဂိုးအထိ ပြန်လည်သွင်းယူနိုင်ခဲ့ပြီး အနိုင်ရရှိခဲ့တာဖြစ်ပါတယ်။

play
Photos: Metro

မန်ချက်စတာယူနိုက်တက်အသင်းဟာ ဂျူဗင်တပ်အသင်းကို အိမ်ကွင်းအိုးထရက်ဖို့ဒ်မှာ လက်ခံယှဉ်ပြိုင်ခဲ့တဲ့ပွဲစဉ်တုန်းက ၁ ဂိုး ဂိုးမရှိနဲ့ ရှုံးနိမ့်ခဲ့တာဖြစ်ပြီး ဂျူဗင်တပ်အသင်းရဲ့ တူရင်မြေမှာ အံ့အားသင့်ဖွယ် ပြန်လာနိုင်ခဲ့ပြီး ၂ ဂိုး ၁ ဂိုးနဲ့ အနိုင်ရရှိခဲ့တာဖြစ်ပါတယ်။ ဂျူဗင်တပ်အသင်းအတွက် အဖွင့်ဂိုးကို ခရစ်စတီယာနိုရော်နယ်ဒိုက ၆၅ မိနစ်မှာ မြေမကျကန်သွင်းခဲ့ပြီး အသင်းဟောင်းကို ဂိုးသွင်းယူခဲ့တာဖြစ်ပါတယ်။

 

မန်ချက်စတာယူနိုက်တက်အသင်းအတွက် ၈၆ မိနစ်မှာ မာတာက အလွတ်တည်ကန်ဘောကနေတစ်ဆင့် တိုက်ရိုက်ကန်သွင်းယူခဲ့ပြီး မိနစ် ၉၀ မှာ အဲလက်စ်ဆန်ဒရိုရဲ့ကိုယ့်ဂိုးကိုယ်ပြန်သွင်းခဲ့တဲ့ဂိုးကြောင့် ချန်ပီယံလိဂ်နိုင်ပွဲကို ရယူနိုင်ခဲ့တာဖြစ်ပါတယ်။ ပေါ့ဂ်ဘာအတွက် ယခင်က ခြေချခဲ့တဲ့ကွင်းထဲကို နောက်တစ်ကြိမ် ပြန်လာခဲ့ရတာဖြစ်ပြီး ဂျူဗင်တပ်ပရိသတ်တွေက နွေးထွေးစွာကြိုဆိုခဲ့ကြပါတယ်။

play
Photos: Metro

 

ဂျူဗင်တပ်အသင်းကို ပြန်လည်ပြောင်းရွှေ့ဖို့စဉ်းစားထားလားလို့ ပေါ့ဂ်ဘာကို Sky Sport Italia က ပွဲအပြီးမှာ မေးမြန်းခဲ့ရာမှာ အခုလိုပဲ ပြန်လည်ဖြေကြားခဲ့ပါတယ်။

"ဘယ်သူ သိနိုင်မှာလဲ။ အခု ကျွန်တော် မန်ယူအသင်းမှာပါ"

"အဲဒီအကြောင်းနဲ့ပတ်သက်ပြီး ပြောနေကြတာအများကြီးပါ။ ဒါပေမယ့် ကျွန်တော် မန်ချက်စတာယူနိုက်တက်အသင်းအတွက် ကစားပေးရတာ ပျော်ရွှင်နေပါတယ်"

"အနိုင်ရလဒ်က အရေးကြီးပါတယ်။ ဒါပေမယ့် ဂျူဗင်တပ်ပရိသတ်တွေက ကျွန်တော့်ကို နွေးထွေးတဲ့ကြိုဆိုမှု ပေးခဲ့ကြပါတယ်"

"ကျွန်တော်တို့ ၂ ဂိုး ၁ ဂိုးဖြစ်သွားတဲ့အချိန်မှာ အောင်ပွဲမခံခဲ့ပါဘူး။ အဲဒါက အရမ်းကို ထူးဆန်းတယ်လို့ ခံစားခဲ့ရလို့ပါ။ ကျွန်တော် ကောင်းကောင်းသိတဲ့လူတွေ အများကြီးကို မြင်တွေ့ခဲ့ရပါတယ်။ ကောင်းမွန်တဲ့အသင်းတစ်သင်းနဲ့ ကျွန်တော်တို့ ယှဉ်ပြိုင်ခဲ့ရတာပါ။ ဒီညမှာ ကျွန်တော်တို့ တကယ်အနိုင်ရခဲ့ပါတယ်"

"ဒီကို ပြန်လာရတာ အရမ်းကို အံ့သြဖို့ကောင်းပါတယ်။ အဝတ်လဲခန်းထဲကို သွားရတာလည်း ထူးဆန်းတဲ့ခံစားမှုမျိုး ခံစားခဲ့ရပါတယ်။ ကျွန်တော် ဂျူဗင်တပ်အသင်းသားတစ်ယောက်အဖြစ် နေသားကျခဲ့ပါတယ်"

"ပရိသတ်တွေရဲ့တုံ့ပြန်မှုက ကျွန်တော့်ကို အရမ်းတက်ကြွစေပါတယ်။ သူတို့ကို ကျွန်တော်လွမ်းပါတယ်။ အီတလီဘောလုံးလောကကိုရောပေါ့"

"ဒီကွင်းကြီးထဲကို ပြန်လာရတာ အရမ်းကောင်းပါတယ်။ ဒီနေရာမှာ ကျွန်တော် စတင်ခဲ့ပြီး ကြီးမားတဲ့ဆုဖလားတွေ ရရှိခဲ့တာပါ"လို့ ပြောကြားခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD