ကလော်ဒီယိုရာနီရေးနီဟာ ပရီးမီးယားလိဂ်အမှတ်ပေးဇယားအောက်ဆုံးကို ရောက်ရှိနေတဲ့ ဖူလ်ဟမ်အသင်းရဲ့နည်းပြသစ်အဖြစ် ခန့်အပ်ခံရပြီးနောက် ခံံစစ်ပိုင်းကို တိုးတက်အောင် ပြုလုပ်ဖို့က အဓိကဦးစားပေးရမယ့်ကိစ္စဖြစ်တယ်လို့ ပြောကြားခဲ့ပါတယ်။ ရာနီရေးနီကို ပြီးခဲ့တဲ့ဗုဒ္ဓဟူးနေ့က ဂျိုကာနိုဗစ်ရဲ့နေရာမှာ နည်းပြသစ်အဖြစ် ဖူလ်ဟမ်အသင်းဥက္ကဌ ရှာဟစ်ခန်းက ခန့်အပ်ခဲ့တာဖြစ်ပါတယ်။
Photos: Sportskeeda
ရာနီရေးနီဟာ ဖူလ်ဟမ်အသင်း ၆ ပွဲဆက်တိုက် ရှုံးပွဲတွေ့ကြုံခဲ့ပြီးနောက် နည်းပြဖို့ ရောက်ရှိခဲ့သူဖြစ်ပြီး ဖူလ်ဟမ်အသင်းဟာ ဘန်လေအသင်းကို ၄ ဂိုး ၂ ဂိုးနဲ့ အနိုင်ယူပြီး တိုက်စစ်အစွမ်းကို ပြသနိုင်ခဲ့ပေမယ့် နောက်တန်းမှာ အားနည်းချက်တွေများစွာ ရှိနေတာဖြစ်ပါတယ်။
ဘာနေဗျူးကို စွန့်ခွာခဲ့တာနဲ့ ပတ်သက်ပြီး ပီရက်ဇ်ကို ဒဲ့ပြောလိုက်တဲ့ ရော်နယ်ဒို
ရာနီရေးနီဟာ လက်စတာစီးတီးအသင်းနဲ့အတူ ၂၀၁၅-၂၀၁၆ ဘောလုံးရာသီမှာ အကြီးမားဆုံးအောင်မြင်မှုအဖြစ် ပရီးမီးယားလိဂ်ဖလားကို အံ့အားသင့်ဖွယ်ရယူနိုင်ခဲ့ပြီး ရာနီရေးနီက ယိုယွင်းနေတဲ့နောက်တန်းကို ပြင်ဆင်မှသာ ၎င်းရဲ့လုပ်ငန်းစဉ်ကို ရှေ့ဆက်နိုင်မယ်လို့ ယုံကြည်နေတာဖြစ်ပါတယ်။
Photos: Fox Sport Asia
"ခရေဗင်ကော့တော့ဂျ်က အံ့အားသင့်စရာပါပဲ။ ကျွန်တော်ဒီကို ပထမဆုံးရောက်လာတဲ့အချိန်မှာ တွေးခဲ့မိတာက 'ဝိုး... ဒါကိုယ်တိုင်က ပုံပြင်ဇာတ်လမ်းတစ်ခုပဲ'လို့ပါ"
"မကြာခဏ ကျွန်တော် ဖူလ်ဟမ်ကို လာရောက်ပြီး ဘောလုံးပွဲတွေ ကြည့်လေ့ရှိပါတယ်။ ဘာလို့လဲဆိုတော့ ကျွန်တော့်ရဲ့ဘောလုံးကို ချစ်တဲ့စိတ်ကြောင့်ပါ။ ကျွန်တော် ဒီကို ဖူလ်ဟမ်အသင်းရဲ့ပရီးမီးယားလိဂ်ပထမဆုံးပွဲစဉ်ဖြစ်တဲ့ ခရစ်စတယ်ပဲလေ့စ်အသင်းနဲ့ပွဲစဉ်တုန်းက လာခဲ့ပါတယ်"
"ဖူလ်ဟမ်အသင်းဟာ အရမ်းကောင်းမွန်တဲ့ဘောလုံးကစားပုံမျိုး ပြသခဲ့ပြီး သူတို့ ၂ ဂိုးခွင့်ပြုပေးလိုက်ရတာ မယုံနိုင်စရာပါပဲ။ ဒီရာသီမှာ ဖူလ်ဟမ်အသင်းဟာ မကြာခဏ ဂိုးတွေအများကြီး ခွင့်ပြုခဲ့ရပါတယ်"
"အီတလီနည်းပြတစ်ယောက်အနေနဲ့ ခံစစ်ကစားနည်းဟာ အသင်းအတွက် အကောင်းဆုံးနည်းပါပဲ။ ခံစစ်ပိုင်းကို ဘယ်လိုတောင့်တင်းအောင် လုပ်ရမယ်ဆိုတဲ့ အမြင်ရှိဖို့က အရေးကြီးပါတယ်။ ခံစစ်ကစားသမားတွေချည်းပဲ၊ ဂိုးသမားချည်းပဲ မဟုတ်ပါဘူး။ ခင်ဗျား တိုက်စစ်ဆင်တဲ့အချိန်မှာ ၁၁ ယောက်နဲ့ တိုက်စစ်ဆင်ရတယ်။ ခံစစ်ကစားတဲ့အချိန်ကျရင်လည်း ၁၁ ယောက်နဲ့ ကာကွယ်ရပါတယ်"လို့ ပြောကြားခဲ့ပါတယ်။