၂၀၁၇ ခုနှစ်က ပရော်ဖက်ရှင်နယ် အပြေးသမားဘဝကနေ အနားယူပြီးနောက် ပရော်ဖက်ရှင်နယ် ဘောလုံးသမားဘဝကို စတင်နိုင်ဖို့အတွက် ကြိုးပမ်းနေတာ ဖြစ်ပါတယ်။
Photo - Business Insider Nordic
အိုလံပစ် ရွှေတံဆိပ် ၈ ကြိမ်ရရှိထားတဲ့ကမ္ဘာ့တာတိုအပြေး ချန်ပီယံလို့ လူသိများတဲ့ အူစိန်ဘော့က အခုအခါမှာတော့ ပရော်ဖက်ရှင်နယ် ဘောလုံးသမားဘဝကို ကူးပြောင်းဖို့ ကြိုးပမ်းနေပါတယ်။
၂၀၀၇ နောက်ပိုင်း ပထမဆုံးအကြိမ် ရော်နယ်ဒို၊မက်ဆီ မပါပဲ ကစားတော့မယ့် အယ်ကလက်စီကို တိုက်ပွဲ
သြစတြေးလျနိုင်ငံက ကို့စ် မာရီနာအသင်းမှာ ခြေစွမ်းစမ်းသပ်ခံနေခဲ့ပြီး ပရော်ဖက်ရှင်နယ်ကစားသမားဖြစ်ရေး ကြိုးပမ်းနေတာလည်း ဖြစ်ပါတယ်။
Photo - OregonLive.com
၂၀၁၇ ခုနှစ်က ပရော်ဖက်ရှင်နယ်အပြေးသမားဘဝကို ရပ်နားကာ ဘောလုံးသမားဘဝကို ကူးပြောင်းလာတာဖြစ်ကာ အခုချိန်မှာတော့ သူ့ခြေ စွမ်းအပေါ် ကြိုက်နှစ်သက်တဲ့ ကို့စ် မာရီနာအသင်းကတော့ ပရောက်ဖက်ရှင်နယ် စာချုပ်ချုပ်ဆိုဖို့ ကမ်းလှမ်းလာခဲ့ပြီဖြစ်ပါတယ်။
ဒီသတင်းကိုတော့ အူစိန်ဘော့ရဲ့ အေးဂျင့် ရစ်ကီဆင်းမ်က -" မာရီနာအသင်းကို ဘော့ကို အမှန်တစ်ကယ်ပဲ ပရော်ဖက်ရှင်နယ် စာချုပ်ချုပ်ဆိုဖို့ ကမ်းလှမ်းလာခဲ့တယ်ဆိုတာ ကျွန်တော် အတည်ပြုပေးနိုင်ပါတယ်။" လို့ ပြောပါတယ်။
Photo - ABC
ဘော့ကို မာရီနာအသင်းက မကမ်းလှမ်းခင် ရှေ့မှာ ဗယ်လက်တီ အသင်းက ၂ နှစ်သက်တမ်းရှိ စာချုပ်တစ်ရပ် ချုပ်ဆိုနိုင်ဖို့ ကမ်းလှမ်းခဲ့ပေမယ့် ပျက်ပြယ်ခဲ့ဖူးတယ်လို့လည်း သိရပါတယ်။
မီတာ ၁၀၀ နဲ့ ၂၀၀ တာတိုအပြေးချန်ပီယံ အူစိန်ဘော့အနေနဲ့ မာရီနာအသင်းမှာ မကစားခင် ဥရောပ ထိပ်တန်း ကလပ်အသင်းတစ်သင်း ဖြစ် တဲ့ ဒေ့ါမွန်အသင်းအပါအဝင် တောင်အာဖရိက ကလပ် ဆမ်းဒေါင်းနဲ့ နောဝေးကလပ်အသင်းတို့မှာ ပူးပေါင်း လေ့ကျင့်မှုတွေ ပြုလုပ်ခဲ့ဖူးပါသေး တယ်။