Photos: Metro

ချန်ပီယံလိဂ်ဖလားကို မကိုင်မြှောက်နိုင်ခဲ့တဲ့ ကမ္ဘာ့ထိပ်တန်းအဆင့် ကစားသမား ၅ ဦး 

Photos: Daily Mail

မန်ချက်စတာစီးတီးအသင်းရဲ့နည်းပြ ဂွါဒီယိုလာက အထင်ကြီးလေးစားဖွယ်ခြေစွမ်းနဲ့ အနိုင်ယူပြခဲ့တဲ့ အသင်းသားတွေရဲ့ စွမ်းဆောင်ရည်နဲ့ပတ်သက်ပြီး ဟန်မဆောင်နိုင်ဘဲ ထုတ်ဖော်ချီးကျူးသွားခဲ့ပါတယ်။

"ဥရောပမှာဆိုရင် ၃ ဂိုး ဂိုးမရှိဆိုတဲ့ရလဒ်ဟာ ထူးခြားထင်ရှားလွန်းပါတယ်"

"ကျွန်တော်တို့ အခွင့်အရေးတွေအများကြီး ဖန်တီးနိုင်ခဲ့ပါတယ်။ ဒုတိယပိုင်းမှာ သူတို့ တော်တော်လေးပြန် ဖိအားပေးနိုင်ခဲ့ပြီး နည်းနည်းရှုပ်ထွေးခဲ့ပါတယ်။ ဒါပေမယ့် ကျွန်တော်တို့ ဘောလုံးပြန်ရတဲ့အချိန်မှာ ပြေးလွှားနိုင်ခဲ့ပါတယ်"

"အရမ်းကို အံ့အားသင့်စာကောင်းတဲ့ ရလဒ်ပါ။ အခု ကျွန်တော်တို့ ဒီပွဲရလဒ်က လိုင်ယွန်ကို အိမ်ကွင်းမှာ ရှုံးနိမ့်ခဲ့တာကို ပြန်လည်ကုစားပေးနိုင်ပြီး ဟော့ဖန်ဟိမ်းနဲ့ပွဲစဉ်အတွက် စိတ်ဓာတ်ခွန်အားဖြစ်စေပါတယ်"

"တကယ်လို့ ကျွန်တော်တို့ နောက်ပွဲကို အနိုင်ရအောင် ကစားနိုင်မယ်ဆိုရင် ရှက်တာဒိုးနတ် အုပ်စုကနေ ပြုတ်ပါပြီ။ လိုင်ယွန်ကို ရှုံးနိမ့်ခဲ့ပြီးနောက်မှာတော့ ကျွန်တော်တို့ ဖိအားတွေအောက်ရောက်ခဲ့ရတယ်။ ကျွန်တော့်အသင်းရဲ့ စွမ်းဆောင်ရည်ကို အရမ်းကျေနပ်မိပါတယ်"

"ကျွန်တော်တို့ ၃ ရာသီကြာ အတူရှိခဲ့ကြပြီး တစ်ယောက်နဲ့တစ်ယောက် ပိုပြီးကောင်းကောင်းသိလာပါပြီ။ အဲဒါက ပုံမှန်ပါပဲ။ ခင်ဗျားတို့ ၃ ရာသီကြာအတူတူရှိနေတာက ပထမရာသီထက် ပိုပြီးကောင်းမှာပါ"လို့ ပြောကြားခဲ့ပါတယ်။