နယ်သာလန်အသင်းရဲ့နောက်ခံကစားသမား ဗာဂျေးဗန်ဒိုက်ဟာ ဂျာမနီအသင်းကို နောက်ကျသွင်းဂိုးတွေနဲ့ သရေကစားနိုင်ခဲ့ပြီး နေးရှင်းလိဂ်ဆီမီးဖိုင်နယ်အဆင့်ကို တက်ရောက်နိုင်ခဲ့ပြီးနောက် ပွဲချိန်အတွင်းရော၊ ပွဲချိန်ပြင်ပမှာပါ ကောင်းမွန်တဲ့အဆင့်အတန်းရှိသူဖြစ်ကြောင်း ပြသခဲ့ပါတယ်။
Photos: Metro
ယမန်နေ့ညက နေးရှင်းလိဂ် လိဂ် A အုပ်စု (၁) ရဲ့အုပ်စုနောက်ဆုံးပွဲစဉ်အဖြစ် ယှဉ်ပြိုင်ကစားခဲ့ကြတဲ့ နယ်သာလန်အသင်းနဲ့ ဂျာမနီအသင်းတို့ရဲ့ပွဲစဉ်မှာ တစ်ဖက် ၂ ဂိုးစီသရေရလဒ်နဲ့ပွဲပြီးဆုံးခဲ့ပါတယ်။ နယ်သာလန်အသင်းဟာ ဂျာမနီအသင်းကို နောက်ကျနေ ချေပဂိုးတွေလိုက်သွင်းယူနိုင်ခဲ့တာကြောင့် ဆီမီးဖိုင်နယ်ကို တက်ရောက်နိုင်ခဲ့ပြီး ဂျာမနီအသင်းကတော့ တန်းဆင်းခဲ့ရပြီဖြစ်ပါတယ်။
2018 Optimist Asian and Oceanian Championship ရဲ့ ဆုအများစုကို သိမ်းပိုက်ခဲ့တဲ့ ထိုင်း
ဂျာမနီအသင်းအတွက် ပထမပိုင်း ၉ မိနစ်မှာ တီမိုဝါနာက အဖွင့်ဂိုးသွင်းယူပေးခဲ့တာဖြစ်ပြီး မိနစ် ၂၀ မှာ လီရွိုင်းဆာနေးက ဒုတိယမြောက်ဦးဆောင်ဂိုးကို သွင်းယူပေးခဲ့ပါတယ်။ နယ်သာလန်အသင်းဟာ ဒုတိယပိုင်းပြီးဆုံးခါနီး ၁၀ မိနစ်အလိုမှာပဲ ချေပဂိုး ၂ ဂိုးသွင်းယူနိုင်ခဲ့တာဖြစ်ပြီး ပထမချေပဂိုးကို ၈၅ မိနစ်မှာ ကွင်စီပရုန်း၊ ၉၁ မိနစ်မှာ ဗာဂျေးဗန်ဒိုက်က သွင်းယူပေးခဲ့တာဖြစ်ပါတယ်။
Photos: Metro
ယင်းပွဲစဉ်မတိုင်မီမှာ ပွဲကို တာဝန်ယူကိုင်တွယ်မယ့် ကွင်းလယ်ဒိုင် အိုဗီဒူဟေတီဂန်ဟာ ၎င်းရဲ့မိခင်ကို ဆုံးရှုံးခဲ့ရပေမယ့် နယ်သာလန်နဲ့ ဂျာမနီအသင်းတို့ရဲ့ပွဲစဉ်ကို တာဝန်ယူကိုင်တွယ်ဖို့ ဆုံးဖြတ်ခဲ့ပါတယ်။ ပွဲပြီးဆုံးချိန်မှာတော့ ကွင်းလယ်ဒိုင်ရဲ့မျက်လုံးတွေဟာ မျက်ရည်တွေနဲ့ ပြည့်နှက်နေခဲ့ပြီး ဗန်ဒိုက်က ကွင်းလယ်ဒိုင်ကို ပွေ့ဖက်နှစ်သိမ့်အားပေးခဲ့တာဖြစ်ပါတယ်။
"သူ အရမ်းကြေကွဲနေပါတယ်။ သူ့မျက်လုံးထဲမှာ မျက်ရည်တွေနဲ့ မတ်တပ်ရပ်နေပါတယ်။ ဘာလို့လဲဆိုတော့ သူ့ရဲ့အမေကို သူ ဆုံးရှုံးခဲ့ရလို့ပါ"
"ကျွန်တော် သူ့အတွက် ခွန်အားတွေပေးသနားဖို့ ဆုတောင်းပေးခဲ့ပြီး သူ ကောင်းကောင်းမွန်မွန်နဲ့ ထွက်သွားခဲ့ပါတယ်။ အဲဒါက သေးငယ်တဲ့ အရာလေးတစ်ခုပါ။ ဒါပေမယ့် သူ့အတွက် အကူအညီဖြစ်ကောင်းဖြစ်နိုင်ပါတယ်"လို့ ပြောကြားခဲ့ပါတယ်။