Photo - footballdj.com

အောင်သူကို ဒေါ်လာ ၈၀၀၀ အနိမ့်ဆုံးပေးပြီး ထိုင်းထိပ်တန်းကလပ်အသင်း ၂သင်းကမ်းလှမ်းထား 

ရန်ကုန်အသင်းနဲ့ ချုပ်ဆိုထားတဲ့ စာချုပ်အရ ဒီနှစ်ကုန်မှာ ပြီးဆုံးမှာ ဖြစ်ပြီး လက်ရှိမှာလည်း လိဂ်ပွဲတွေ ပြီးဆုံးသွားပြီဖြစ်လို့ ဇော်မင်းထွန်းက ထိုင်းကလပ် ချောင်ဘူရီအသင်းနဲ့ စာချုပ်ချုပ်ဆိုနိုင်ရေး ဆောင်ရွက်နေခဲ့တာ ဖြစ်ပါတယ်။

Photo - MFF

" ကျွန်တော်ရန်ကုန်အသင်းနဲ့လည်း ပြောပြီးပါပြီ။မူလချုပ်ဆိုထားတဲ့ စာချုပ်ကလည်း ဒီနှစ်ကုန်ရင် အားလုံးပြီးပါပြီ။ဒါကြောင့် လာမယ့်နှစ် အတွက် အသင်းပြောင်းဖို့ အေးဂျင့်နဲ့ပူးပေါင်းပြီးဆောင်ရွက်နေခဲ့တာ ဖြစ်ပါတယ်။အခုတော့ အေးဂျင့်ရဲ့ ဆောင်ရွက်ပေးမှုအရ ထိုင်းကလပ် ချောင်ဘူရီအသင်းနဲ့ အကြို သဘောတူ စာချုပ်တော့ ချုပ်ပြီးပါပြီ။လစာကတော့ ၇၀၀၀+ ရရှိမှာ ဖြစ်ပြီး နေအိမ်နဲ့ကားလည်း စီစဉ်ပေးပါတယ်။" လို့ ဇော်မင်းထွန်းက ပြောပါတယ်။

ဇော်မင်းထွန်းအနေနဲ့ ချောင်ဘူရီအသင်းနဲ့ တစ်နှစ် အကြိုသဘောတူစာချုပ်မှာ ချုပ်ဆိုထားပြီး ကလပ်အသင်းကတော့ ၂ နှစ်အထိ ချုပ်ဆိုလိုနေ တယ်လို့လည်း သိရပါတယ်။

Photo - MFF

အခုလို ချောင်ဘူရီနဲ့ အကြို စာချုပ်ချုပ်ဆိုထားတဲ့ အချိန်မှာပဲ ထိုင်းလိဂ်(၁)က ထိပ်တန်း အသင်းကြီး  ၂ သင်းကလည်း ဇော်မင်းထွန်းကို ကမ်း လှမ်းမှုတွေ ပြုလုပ်လာတာကိုလည်း သိရပါတယ်။

ဒါပေမယ့် ဇော်မင်းထွန်းကတော့ မူလ သဘောတူထားတဲ့ ချောင်ဘူရီအသင်းကိုသာ ပြောင်းရွှေ့ဖို့ စိတ်အားထက်သန်နေပြီး အကြိုသဘောတူ စာချုပ်မှာလည်း လိုအပ်ချက်တွေကို အသေးစိတ်နည်းပါး ညှိုနှိုင်းဆောင်ရွက်ပြီး ဖြစ်ကာ တရားဝင် စာချုပ်ချုပ်ဆိုဖို့သာ ကျန်တော့တယ်လို့လည်း သိရပါတယ်။

Photo - MFF

ဇော်မင်းထွန်းကို အခုလို ခေါ်ယူမယ့် ချောင်ဘူရီအသင်းကတော့ ယခုနှစ် ထိုင်းလိဂ်(၁)မှာ အဆင့် ၉ နေရာမှာ ရပ်တည်နိုင်ခဲ့ပေမယ့်လည်း ၂၀၀၇ ခုနှစ်တုန်းက အမှတ်ပေးချန်ပီယံ တစ်ကြိမ်ဖြစ်ဖူးပါတယ်။

ဒါ့အပြင် ထိုင်း FA CUP ပြိုင်ပွဲမှာလည်း ၂၀၁၀ နဲ့ ၂၀၁၆ ခုနှစ်တွေမှာ ချန်ပီယံ ဖြစ်ခဲ့ဖူးသလို Kor Royal Cup ပြိုင်ပွဲမှာလည်း ချန်ပီယံ ၄ ကြိမ် အထိ ရရှိဖူးပြန်ပါတယ်။

အေအက်ဖ်စီ ချန်ပီယံလိဂ်ပြိုင်ပွဲကိုလည်း မကြာခဏဆိုသလို ဝင်ရောက်ယှဉ်ပြိုင်နိုင်လေ့ ရှိတဲ့ အသင်းတစ်သင်းဖြစ်ပြီး ဘရာဇီး၊စင်ကာပူ၊တောင်ကိုရီးယား၊ကိုဆိုဗိုမှ ကစားသမားတွေ ပါဝင်ကစားနေတဲ့ အသင်းတစ်သင်းလည်း ဖြစ်ပါတယ်။

ဇော်မင်းထွန်းကတော့ လက်ရှိ ဘာရိန်းနဲ့ ကာတာကို ထွက်ခွာသွားပြီ ဖြစ်တဲ့ မြန်မာ့လက်ရွေးစင်အသင်းမှာတော့ ပါဝင်ခဲ့ခြင်းမရှိပေမယ့်လည်း ပြီးခဲ့တဲ့ အာရှ အားကစားပြိုင်ပွဲမှာတော့ အသင်းခေါင်းဆောင်အဖြစ် ပါဝင်ခဲ့သူ တစ်ယောက်ဖြစ်ပါတယ်။