Photo - MFF

"မြန်မာပြည်ကို ကိုယ်စားပြုယှဉ်ပြိုင်ရတာ ဂုဏ်အယူရဆုံးပါပဲ"(အောင်လအန်ဆန်) 

အစောဆုံးပွဲအဖြစ် မနက်ဖြန်မှာ ကာတာ ကလပ် Al-Duhail SC အသင်းနဲ့ ကစားသွားမယ်လို့ သိရပြီး Al-Duhail SC အသင်းကတော့  ၂၀၁၇-၁၈ ဘောလုံးရာသီမှာ ကာတာ စတားလိဂ်ရဲ့ အမှတ်ပေးချန်ပီယံ အသင်းတစ်သင်းလည်း ဖြစ်ပါတယ်။

Photo - MFF

ဒီပွဲစဉ်ကိုတော့ ကာတာအချိန် ညနေ ၅ နာရီ ၄၅ မိနစ်(မြန်မာစံတော်ချိန် ၉ နာရီ ၁၅မိနစ်)မှာ ယှဉ်ပြိုင်ကစားသွားမှာ ဖြစ်ပြီး လက်ရှိအချိန်မှာ တော့ ခြေစမ်းကစားဖို့ ၃ သင်းသာ ရရှိသေးတယ်လို့သိရပါတယ်။

" ခြေစမ်းပွဲကတော့ စုစုပေါင်း ၅ ပွဲကစားမှာပါ၊ လောလောဆယ်မှာတော့ ၃ ပွဲ ရရှိထားပြီးပါပြီ၊နောက်ထပ် ၂ ပွဲကို ဆက်ကြိုးစားနေပါတယ်။" လို့ ဦးကိုကိုသိန်းက ပြောပါတယ်။

မြန်မာအသင်းအနေနဲ့ မနက်ဖြန် ကာတာလိဂ် လက်ရှိချန်ပီယံနဲ့ ကစားပြီးရင် ၂၄ ရက်နေ့နဲ့ ၂၈ ရက်နေ့ ကာတာအချိန် ၇ နာရီ ၁၅(မြန်မာစံ တော်ချိန် ၁၀ နာရီ ၄၅ မိနစ်)တို့မှာ Police fc အသင်းနဲ့ နှစ်ပွဲဆက်တိုက် ခြေစမ်းကစားဦးမှာ ဖြစ်ပါတယ်။

လက်ရှိမှာတော့ မြန်မာအသင်းက ကာတာခရီးစဉ်မတိုင်မီ ဘာရိန်းအသင်းနဲ့လည်း ပြီးခဲ့တဲ့ ကြားရက်တုန်းက ခြေစမ်းကစားခဲ့ပြီး ၄-၁ ဂိုးနဲ့ ရှုံးနိမ့်ထားခဲ့ပါ တယ်။

အဲ့မတိုင်ခင်မှာလည်း အင်ဒိုနီးရှား၊ဘိုလီးဗီးယားအသင်းတို့နဲ့ ခြေစမ်းပွဲတွေ ဆက်တိုက်ကစားခဲ့ပြီး ၃ ဂိုးဂိုးမရှိနဲ့ ၂ ပွဲစလုံးကို ရှုံးနိမ့်ထားပါသေး တယ်။

ဒီခြေစမ်းပွဲ ၅ ပွဲကိုတော့ ရုပ်သံက ပြသသွားဖို့မရှိပဲ အွန်လိုင်းကနေတော့ ရိုက်ကူးပြသနိုင်ဖို့ ကြိုးစားနေတယ်ဆိုတဲ့အကြောင်းကိုလည်း ဦးကိုကိုသိန်းကပြောပါသေးတယ်။