ဗော့ဒ်ကာ (vodka) အရက်ပုလင်းတွေ ကိုယ့်ဆီရောက်လာလို့ အရက်မသောက်တတ်တဲ့လူအဖို့တော့ သူများကို ပေးပစ်မလား၊ ရောင်းပစ်မလားပေါ့။ ဒါပေမဲ့ အချိုးအစားမှန်မှန် အသုံးချတတ်ရင် အရက်ကိုလည်း အလှအပရေးရာမှာ သုံးနိုင်ပါတယ်။ ဗော့ဒ်ကာအရက်ကို အသုံးချနိုင်တဲ့နည်းလေးတွေကို ပြောလိုက်မယ်နော်။
၁) အသားအရေကြည်လင်စေ
ချွေးပေါက်ပိတ်တာတွေကို ပွင့်သွားအောင် ဗော့ဒ်ကာအရက်က လုပ်ပေးနိုင်ပါတယ်။ ဗော့ဒ်ကာတုန်နာ (toner) လေး လုပ်ဖို့အတွက် ဗော့ဒ်ကာ - လက်ဖက်စားဇွန်း ၁ ဇွန်း၊ ပေါင်းခံရည် - လက်ဖက်စားဇွန်း ၂ ဇွန်း၊ rosemary နဲ့ jojoba oil - လက်ဖက်စားဇွန်း ၂ ဇွန်းစီတို့ကို ရောစပ်သုံးနိုင်ပါတယ်။ ချွေးပေါက်ထဲက အညစ်အကြေးတွေသန့်စင်သွားပြီး ချွေးပေါက်ကျဉ်းစေပါတယ်။ ယားယံတာတွေကို ချက်ချင်းသက်သာစေပါတယ်။
၂) ဆံပင်ပေါင်းဆေး
ပျားရည်၊ ကြက်သွန်နီအရည်၊ ဗော့ဒ်ကာတို့ကို ရောစပ်ပြီး ဆံပင်ပေါင်းဆေးလုပ်လို့ရတယ်။ အားလုံးကို ရောပြီး ဆံပင်မှာလိမ်းပြီး တညအိပ် ထားလိုက်ပါ။ မနက်ကျမှ ခေါင်းပြန်လျှော်ရုံပဲ။ ဆံပင်ကျွတ်တာသက်သာပြီး ဦးရေပြားက အဆိပ်နဲ့ ဘက်တီးရီးယားတွေကို ပျောက်စေပါတယ်။ ဆံပင်ကိုလည်းသန်စေတယ်။
၃) ခြေထောက် cleansing
ခြေထောက်ကအနံ့ဆိုးတွေ ထွက်တာကို ပျောက်ချင်ရင်လည်း ဗော့ဒ်ကာကိုပဲ သုံးရအောင်။ ဗော့ဒ်ကာအရက်မှာပါဝင်တဲ့ အယ်လ်ကိုဟောက ဘက်တီးရီးယားတွေကိုသေစေပါတယ်။ ရေအေးနဲ့ဗော့ဒ်ကာကို ရောစပ်ပြီး ခြေထောက်ကို စိမ်ပေးပါ။ ဒါမှမဟုတ်လည်း ဗော့ဒ်ကာကိုရေနဲ့စပ်ပြီး အဝတ်လေးမှာဆွတ်၊ ခြေထောက်ကိုသုတ်ပေးရင် အနံ့ပျောက်ပါတယ်။
ှSource : Be Beautiful
အပိုတစ်ခုအနေနဲ့ ထပ်ပြောရရင်တော့ မုတ်ဆိတ်ရိတ်ဓားတွေမှာ အမွေးတွေနဲ့ကပ်ငြိပြီး မထက်တော့ဘူးဆိုရင်လည်း ဗော့ဒ်ကာအရက်လေး လောင်းချလိုက်ရင် အိုကေသွားပါလိမ့်မယ်နော်။