အကြောင်းအရင်းများ

၁ - ကြောက်လို့

သင့်ကို ပွင့်ပွင့်လင်းလင်း မပြောရဲတဲ့ အဖြစ်နိုင်ဆုံးအကြောင်းအရင်းကတော့ ကြောက်စိတ်ရှိလို့ပါ။ သင့်ကို ကြောက်တာမဟုတ်ဘဲ သူ့ဘက်က ပွင့်ပွင့်လင်းလင်း ဖွင့်ပြောတာမျိုးတွေ လုပ်တဲ့အခါ သင်တုံ့ပြန်လာမယ့်ပုံစံကို ကြောက်တာပါ။ သူ့အကြောင်းတွေ ပွင့်ပွင့်လင်းလင်း ဖွင့်ပြောလို့ အထင်သေးသွားမှာ၊ ယုံကြည်မှုလျော့ကျသွားမှာတွေကို ကြောက်တာပါ။

၂ - သတိမထားမိလို့

ဒါကတော့ သူ့အကျင့်ဖြစ်ပါတယ်။ ကိုယ့်အကြောင်း တစ်ဖက်လူကို ပြောတတ်တဲ့ အကျင့်မရှိလို့ ဖြစ်ပါတယ်။ သူတို့ဆီမှာ ဒီလိုပြောစရာအကြောင်း ကြီးကြီးမားမားရှိတယ်လို့လည်း မထင်သူတွေပါ။ သိပ်အပူအပင်မရှိသူတွေ ဖြစ်တတ်ပါတယ်။

၃ - အတွေ့အကြုံ

(သင်စိတ်ဝင်စားနိုင်မယ့် ဆောင်းပါး -ကိုယ့် အချစ်ရေးအကြောင်း ဖေ့စ်ဘွတ်မှာ မပြောဖြစ်တဲ့ အကြောင်းအရင်း (၅) ချက် )

ဖြေရှင်းနည်းများ

၁ - နေရာ

သင့်ကို ပွင့်ပွင့်လင်းလင်း ပြောဆိုစေချင်တယ်ဆိုရင် ပထမအချက်က နေရာပါ။ လူတွေကြပ်နေတဲ့ စူပါးမားကတ်က အအေးဆိုင်မျိုး၊ ရှုပ်ထွေးနေတဲ့စားသောက်ဆိုင်မျိုးတွေက သူ့အတွက် အဆင်မပြေပါဘူး။ အေးအေးလူလူ ရှိတဲ့ တစ်နေရာကို ရွေးရမှာ ဖြစ်ပါတယ်။

၂ - ပွင့်လင်းပါ

သူ့ဘက်က ပွင့်ပွင့်လင်းလင်း ရှိစေချင်တယ်ဆိုရင် သင့်ဘက်ကလည်း ရိုးသားပွင့်လင်းဖို့ လိုပါတယ်။ ဥပမာ - သူတွဲခဲ့တဲ့ လူတစ်ယောက်အကြောင်း သင်က သိချင်တယ်ဆိုရင် သင်တွဲခဲ့တဲ့လူအကြောင်းလည်း ပြောပြရမှာပဲ ဖြစ်ပါတယ်။ သင့်ဘက်က ပွင့်လင်းရိုးသားသူဖြစ်ကြောင်း သူ့ကိုသိစေမှ သူကလည်း သင့်ကို ပွင့်လင်းရိုးသားမှာပါ။

(သင်စိတ်ဝင်စားနိုင်မယ့် ဆောင်းပါး - ကိုယ့်ချစ်သူကို နားလည်မှုရှိရှိ စကားဘယ်လိုပြောမလဲ)

၃ - ယုံကြည်ရသူ

သင်က ယုံကြည်ရသူဖြစ်တယ်ဆိုတာကိုလည်း သူဘက်က သိဖို့ လိုပါတယ်။ ဘယ်သူမဆို ယုံကြည်ရတဲ့လူကိုပဲ ဖွင့်ဟတိုင်ပင်ချင်ကြပါတယ်။ ယုံကြည်ရမှ ကိုယ့်အကြောင်းပြောပြချင်ကြပါတယ်။

၄ - စည်း

ဘယ်လောက်ပဲ ခင်မင်ရင်းနှီးသူဖြစ်ပါစေ စည်းလေးတော့ တစ်ယောက်နဲ့တစ်ယောက် ထားရမှာ ဖြစ်ပါတယ်။ သူမပြောချင်တာ၊ သူမသိစေချင်တာကို အတင်းမမေးပါနဲ့။ သင်တို့ သံယောဇဉ်အတိုင်းအတာအရပဲ သိသင့်တာကို သိတာ ကောင်းပါတယ်။ စည်းအရမ်းကျော်သွားရင် မကောင်းပါဘူး။

(သင်စိတ်ဝင်စားနိုင်မယ့်ဆောင်းပါး - သင်တွဲနေတဲ့လူရဲ့ သူငယ်ချင်းတွေကို မကြိုက်ရင် ဘာလုပ်မလဲ)

Photos & Source: About Relationships