Photo: တိုင်ရွန်ဖေ့စ်ဘွတ်

'' ဒီအကောင့်တစ်ခုသာသုံးပါတယ် follower တစ်ချက်စစ်ပြီး ယုံကြပါ အတုတွေ လိပ်စာတွေပေးပြီး လက်ဆောင်တွေ လိမ်ယူနေပါတယ်။ သတိထားပေးကြပါ ကျွန်တော့် လိပ်စာ ဖုန်းနံပါတ်ဘယ်သူ့ကိုမှ မပေးဖူးဘူးပါ'' ဆိုပြီးတော့ နိုဝင်ဘာလ ၂ ရက်နေ့ည ၇ နာရီကျော်က သူ့ရဲ့ တရားဝင်ဖေ့စ်ဘွတ်အကောင့်ကနေ ရေးသားခဲ့တာဖြစ်ပါတယ်။

Photo: တိုင်ရွန်ဖေ့စ်ဘွတ်

တိုင်ရွန်ဟာ မော်ဒယ်လောကမှာကတည်းက အောင်မြင်မှုတွေရရှိထားပေမယ့် သရုပ်ဆောင်အလုပ်နဲ့ ပတ်သက်လို့တော့ အောက်ခြေသိမ်းက စပြီး ကြိုးစားလာတဲ့ လူငယ်အနုပညာရှင်တစ်ယောက်ဖြစ်ပါတယ်။ သူ့အနေနဲ့ လက်ရှိမှာလည်း စီနီယာသရုပ်ဆောင်တွေနဲ့အတူ ရုပ်ရှင် ဇာတ်ကားတွေရိုက်ကူးနေတာကိုတွေ့ရပါတယ်။

မင်္ဂလာသတင်းအကြောင်း ပြောပြလာတဲ့ တိုင်ရွန် 

Photo: တိုင်ရွန်ဖေ့စ်ဘွတ်

တိုင်ရွန်ပါဝင်သရုပ်ဆောင်ထားတဲ့ တစ်ခုလပ် ရုပ်ရှင်ဇာတ်ကားကြီးကိုလည်း နိုဝင်ဘာလ ၂ ရက်နေ့ကစပြီး ရုံတင်ပြသခဲ့တာဖြစ်ပါတယ်။ ဒီဇာ တ်ကားဟာ သူ့အတွက်တော့ ပထမဆုံးအကြိမ် ခေါင်းဆောင်မင်းသားတစ်ယောက်အဖြစ် ပါဝင်ရတဲ့ ဇာတ်ကားဖြစ်တာကြောင့် စိတ်လှုပ်ရှား နေရတယ်လို့လည်း Duwun media ရဲ့ သီးသန့်အင်တာဗျူးမှာ ဖြေဆိုခဲ့ပါတယ်။

'' '' အဲ့ဒီဇာတ်ကားထဲမှာလည်း အိုက်တင်ပိုင်းဆိုင်ရာကိုတော့ ပရိသတ်ဘက်က ကြည့်ရင် တော့ အများကြီးရှိတာပေါ့နော်။ ဒါပေမယ့် ဒါကလည်း လွန်ခဲ့တဲ့ ၂ နှစ်လောက်က ရိုက်ထားတဲ့ ဇာတ်ကားဆိုတော့ ကျွန်တော့်ဘက်ကတော့ အပြည့်အဝကြိုးစားထားတာပေါ့ အဲ့ဒါလေးကိုလည်း နားလည်မှုလေးတွေနဲ့ ဖြည့်ပြီးတော့ ကြည့်ပေးကြဖို့လည်း တောင်းဆိုချင်ပါတယ်။ '' လို့ သူကဆိုပါတယ်။

Photo: တိုင်ရွန်ဖေ့စ်ဘွတ်

တစ်ခုလပ်ရုပ်ရှင်ဇာတ်ကားကြီးကို ဒါရိုက်တာ ညွှန့်မြန်မာညီညီအောင် ရိုက်ကူးထားတာဖြစ်ပြီး SG9 Flim Production က ထုတ်လုပ်တာ ဖြစ်ပါတယ်။ ဒီဇာတ်ကားထဲမှာ တိုင်ရွန်၊ အောင်လေး၊ လင်းအောင်ခေတ်၊ မျိုးသန္တာထွန်း၊ ခင်ဇာခြည်ကျော်နဲ့ လင်းဇာနည်ဇော် တို့က အဓိက ပါဝင်သရုပ်ဆောင် ထားတာဖြစ်ပါတယ်။ ဒီဇာတ်ကားကို ၂၀၁၆ ခုနှစ်က ရိုက်ကူးခဲ့တာလို့ သိရပါတယ်။