Photo: တိုင်ရွန်ဖေ့စ်ဘွတ်

'' ပျော်စရာကြည်နူးစရာ အရမ်းကောင်းပါတယ် ခန့်ထည် ဆိုပြီး နှုတ်ဆက်ကြတဲ့အတွက် အရမ်းဝမ်းသာပါတယ် နောက်ထပ် လာချင် ပါ သေးတယ်။ အင်းဝသို့ ခေါ်ရခက်တဲ့ နာမည်ကိုခေါ်တတ်တယ် တိုင်ရွန် တဲ့ ဖွားဖွားကြီးတွေက'' ဆိုပြီးတော့ စက်တင်ဘာလ ၂၆ ရက်နေ့ ညနေ ၆ နာရီက သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။

Photo: တိုင်ရွန်ဖေ့စ်ဘွတ်

ခန့်ထည်ဆိုတဲ့ အမည်ဟာ လက်ရှိမှာတော့ MRTV-4 ရုပ်သံလိုင်းက ထုတ်လွှင့်ပြသနေတဲ့ '' မနေ့ကဖြစ်သည် ၂'' ရုပ်သံဇာတ်လမ်းတွဲ ထဲက သရုပ်ဆောင် တိုင်ရွန်ရဲ့ ဇာတ်ကောင်နာမည်ဖြစ် ပါတယ်။ ဒီဇာတ်လမ်းတွဲကို စက်တင်ဘာလ အစကတည်းက ပြသခဲ့တာဖြစ်ပါ တယ်။ ပထမ တစ်ကြိမ် ထုတ်လွှင့်ခဲ့တဲ့  '' မနေ့ ကဖြစ်သည်'' ရုပ်သံဇာတ်လမ်းတွဲတုန်းကလည်း အောင်မြင်မှု များစွာရရှိခဲ့ပါတယ်။

Photo: တိုင်ရွန်ဖေ့စ်ဘွတ်

ဝါသနာပါတဲ့အလုပ်နဲ့ မိဘတွေကိုဂုဏ်ယူစေချင်ခဲ့တယ်ဆိုတဲ့ တိုင်ရွန် 

တိုင်ရွန်ဟာ ဒီဇာတ်လမ်းတွဲထဲမှာ ခန့်ထည် ဆိုတဲ့ လူမိုက်ဆန်ဆန် ကောင်လေး၊ သူဌေးရဲ့ သက်တော်စောင့် တစ်ယောက်နေရာက ပါဝင် သရုပ်ဆောင် ထား တာဖြစ်ပါတယ်။ ဒီဇာတ်လမ်းတွဲဟာ အခုဆိုရင်တော့ အပိုင်း ၇ အထိ ပြသပြီးခဲ့ပြီးတဲ့ အချိန်မှာတော့ ပရိသတ်အားပေးမှု အရှိန်က တစ်ဟုန်ထိုး မြင့်တက်လာတာကို တွေ့ရပါတယ်။

Photo: တိုင်ရွန်ဖေ့စ်ဘွတ်

မော်ဒယ်လောကမှာ အောင်မြင်မှုများစွာ ပိုင်ဆိုင်ပြီးခဲ့တဲ့ တိုင်ရွန်ဟာ သရုပ်ဆောင်ဘက်မှာလည်း အောင်မြင်တဲ့သူဖြစ်အောင် ကြိုးစားနေတာ ဖြစ်ပါတယ်။ သူ့အနေနဲ့ ရုပ်သံဇာတ်လမ်းတွဲတွေသာမက ရုပ်ရှင်ဇာတ်ကားကြီးတွေမှာပါ ပါဝင်သရုပ်ဆောင်နေတာကို တွေ့ပါတယ်။ အဲ့ဒီ နောက် ပရဟိတ လုပ်ငန်းတွေမှာလည်း တစ်ယောက်တည်းဖြစ်စေ၊ အပေါင်းအသင်းတွေ၊ ပရိသတ်တွေနဲ့ဖြစ်စေ အားသွန်ခွန်စိုက် ဆောင်ရွက်နေတာကို တွေ့ရပါတယ်။

Photo: တိုင်ရွန်ဖေ့စ်ဘွတ်

တိုင်ရွန်ဟာ အားပေးကြတဲ့ ပရိသတ်တွေရဲ့ စံပြတစ်ယောက်ဖြစ်တဲ့အတွက် အစစအရာရာအကောင်းဆုံးဖြစ်အောင် နေထိုင်တယ်လို့ ပြော ပါတယ်။ သူ့အနေနဲ့ အနုပညာရှင်တစ်ယောက်ဖြစ်တဲ့အတွက် ရှေ့ဆက်ပြီးတော့လည်း အနုပညာအလုပ်တွေနဲ့ အတူ ပရဟိတ အလုပ် တွေကိုလည်း စွမ်းစွမ်းတမံဆောင်ရွက်သွားမယ်လို့ ဆိုပါတယ်။