ကိုယ့်ရဲ့ ဆံပင်တွေကို စွန့်လွှတ်ခြင်းကလည်း ကိုယ့်ရဲ့ အတ္တကို စွန့်လွှတ်ခြင်းတစ်မျိုးပါ။ ဒါကြောင့် သူမက သူမအရမ်းတန်ဖိုးထားတဲ့ ဆံပင်ကိုနှမြောပေမယ့် စွန့်လွှတ်ပြီး သီလရှင်ဝတ်ဖို့ ဆုံးဖြတ်တာတဲ့။

“ဘာလို့လည်းဆိုတော့ အသက်ကကြီးလာပြီ လိမ်လိမ်မာမာ ပိုနေရတော့မယ်။ သီလရှင်ဝတ်ချင်တဲ့စိတ်ကို ဖြစ်လာတာ။ ဆံပင်တွေလည်း လျှောက်ဆိုးတယ် လျှောက်လုပ်တယ်ဆိုတော့ ဝတ်လိုက်တော့မယ်ဆိုပြီး တွေးထားတာ။ စစ်ကိုင်းမှာ ဝတ်ဖို့ စီစဉ်ထားတယ်။ ဘယ်နှစ်ရက် ဝတ်မလဲဆိုတာကတော့ မပြောသေးဘူးနော်” လို့ ဇန်နဝါရီ(၁၂) ရက်နေ့က ပြုလုပ်တဲ့ City FM ပွဲမှာ Duwun media သို့ ဖြေဆိုပေးခဲ့တာပါ။

ဆံပင်တွေကို နှမြောပေမယ့်လည်း မယ်သီလရှင်ဝတ်ချင်တဲ့ စိတ် အရမ်းဖြစ်နေတာကြောင့ ်ဝတ်ဖို့ စီစဉ်နေတာ ဖြစ်တယ်လို့ သူမက ပြောပါတယ်။

ပိုပိုဟာ ကိုယ်တိုင်သီချင်းရေးပြီး ကိုယ်တိုင်ဆိုတတ်တဲ့ အဆိုရှင်တစ်ဦးဖြစ်ပြီး သူမရေးတဲ့ အဆွေးသီချင်း တော်တော်များများဟာ ပရိသတ်တွေကြား ရေပန်းစားခဲ့သလို "မင်းကိုမချစ်လို့မဟုတ်ဘူး" ဆိုတဲ့သီချင်းဟာ ပရိသတ်တွေအခုချိန်ထိ ကြိုက်နှစ်သက် အားပေးခဲ့တဲ့ သီချင်းလည်း ဖြစ်ပါတယ်။

အဲ့ဒီသီချင်းဟာလည်း သူမရဲ့ စိတ်ခံစားချက်အပြည့်နဲ့ဆိုထားတဲ့ သီချင်းလေးဖြစ်ပါတယ်။ အဆိုတော်ပိုပိုကတော့ ပထမဆုံးတစ်ကိုယ်တော် တေးစီးရီးဖြစ်တဲ့ ချစ်ဖူးခဲ့သမျှ တစ်ကိုယ်တော် အယ်လ်ဘမ်၊ အလွမ်း သီချင်းကြိုက်တဲ့ ရေဒီယို အယ်လ်ဘမ် တို့ကို ထွက်ရှိခဲ့ပြီးတော့ MasterPiece တစ်ကိုယ်တော်အခွေကို နောက်ဆုံးထွက်ရှိထားပါတယ်။

၂၀၁၇ ခုနှစ်က ထွက်ရှိထားတဲ့ အဆိုတော် ပိုပိုရဲ့  MasterPiece စီးရီးခွေကို မကြာခင်မှာ MTV အဖြစ် တွေ့မြင်ရတော့မှာ ဖြစ်ပါတယ်။ အမိုက်စား ရိုက်ကူးမှုတွေ ပါဝင်ထားတဲ့ ပိုပိုရဲ့ MasterPiece MTV & DVD အခွေကို စက်တင်ဘာ(၉)ရက်နေ့မှာ The Sun ကနေ တဆင့် မြန်မာပြည်အနှံ့ ဖြန့်ချိသွားမှာ ဖြစ်တယ်လို့ ပိုပိုကဆိုပါတယ်။