Photo : အိချောပို FB

"ကျေးဇူးရှင် မိဘနှစ်ပါး နှစ်ဖက်အဖိုးအဖွား ခုနှစ်ရက်သားသမီးများအားအမှူးထား၍ အောင်ဇမ္ဗူတောရ ကျောင်းမှာ အပါတ်စဉ်မွေးနေ့တိုင်း စတုဒီသာအလှူကို လှူဒါန်းသွားပါမည်.။ခုနှစ်ရက်သားသမီးများအားလုံး ဘေးအန္တရယ်ကင်းရှင်းပြီး ကျန်းမာချမ်းသာ လိုရာဆန္ဒပြည့်ဝကြ ပါစေရှင်" ဆိုပြီး သူမက ဇူလိုင် (၃၁) ရက်နေ့က ပြောထားတာဖြစ်ပါတယ်။

Photo : Amazing Grace

မွေးနေ့တိုင်း စတုဒီသာအလှူပြုလုပ်မယ့် သူမရဲ့ စိတ်ဓာတ်လေးကို ပရိသတ်တွေက လေးစားနေကြသလို သူမရဲ့ အလှူကိုလည်း သာဓုခေါ်နေကြပါတယ်။အိချောပိုဟာ လက်ရှိမှာ ရုပ်ရှင်ဇာတ်ကားကြီးတွေ ဆက်တိုက်ဆိုသလို ရိုက်ကူးနေရပြီး ပွဲတွေ တော်တော်များများ ကိုလည်း တက်ရောက်ဖြစ်နေတာ တွေ့ရပါတယ်။

ပြီးခဲ့တဲ့ ရက်ပိုင်းလောက်က သူမပါဝင်ထားတဲ့ "ကြွေ" ရုပ်ရှင်ဇာတ်ကားကြီးဟာလည်း ပရိသတ်တွေကြား အောင်မြင်မှု ရရှိခဲ့တဲ့ ဇာတ်ကားတစ်ကားဖြစ်ပါတယ်။

Photo : Amazing Grace

အနုပညာရှင်တွေကိုယ်တိုင်လည်း သဘောကျခဲ့တဲ့ ကြွေရုပ်ရှင်ကားပိုစတာ 

အဲ့ဒီဇာတ်ကားကို ဒါရိုုက်တာ သားညီ ရိုက်ကူးထားပြီး လွှမ်းပိုင်၊ အိချောပိုတို့က အဓိက ပါဝင်ထားတာလည်း ဖြစ်ပါတယ်။ အိချောပိုဟာ မကြာခင်မှာ ဒါရိုက်တာ ကိုဇော်(အရုဏ်ဦး) ရိုက်ကူးမယ့် "သမက်ချဲလင်း" ဆိုတဲ့ ရုပ်ရှင်ဇာတ်ကားကြီးမှာ ပါဝင်သရုပ်ဆောင်ရဦးမယ်လို့ သိရပါတယ်။

အဲ့ဒီ ရုပ်ရှင်ဇာတ်ကားကို တောင်ကြီးမှာ ရိုက်ကူးမှာ ဖြစ်တယ်လို့ သူမရဲ့ ဖေ့စ်ဘွတ်ကနေ ပရိသတ်တွေကို ပြောပြထားပါသေးတယ်။

Photo : Amazing Grace

ကျရာ ဇာတ်ရုပ်ကို ပီပီပြင်ပြင် သရုပ်ဆောင်နိုင်သူ အိချောပို တစ်ယောက်ကတော့ ပရိသတ်အားပေးမှုကို အခိုင်အမာရရှိထားသူ တစ်ဦးဖြစ် ပါတယ်။ အနပညာပျိုးခင်းကနေ အောင်မြင်လာခဲ့တဲ့ မင်းသမီးတစ်ယောက်ဖြစ်တဲ့ အိချောပိုဟာ ယခုလက်ရှိ မြန်မာပြည်ရဲ့ အောင်မြင်တဲ့ မင်းသမီးစာရင်းဝင်တစ်ယောက်လည်းဖြစ်ပါတယ်။