ယုန်လေးက ရသကို သတိရတယ်လို့ ရင်ဖွင့်ပြောပြလာပါတယ်။ လက်ရှိမှာ ယုန်လေးက ဒါရိုက်တာတစ်ယောက်အဖြစ် ရုပ်ရှင်ဇာတ်ကားကြီးတွေ ရိုက်ကူးနေတာ တွေ့ရပါတယ်။

ရသနဲ့ ယုန်လေးတို့ဟာ ဂီတအလုပ်တွေကို အတူတူလုပ်ခဲ့ကြတဲ့ ဂီတညီအစ်ကိုတွေဖြစ်ကြပါတယ်။

‘’သတိရတယ် ရသ ရယ်။ မနှစ်က ကိုယ့်သမိုင်းလက်မှတ်ထိုးပွဲ လူတွေကုန်တဲ့အထိ ရုံထဲ ဝင်ပြီးတဲ့ အထိ ပရိသတ်အတွက်နေပေးခဲ့ပါတယ်။ Ice Cold က အားလုံးကို လိုက်နောက်နေတာအစ်ကို တစ်ပုံလောက်ဆိုတော့ မင်းIce Cold လားတဲ့ ဘေးကဝိုင်းပြောမှသိတယ်.. Ice Cold မှန်း။ ကိုယ့်သမိုင်း ၂ လည်း နောက် ၂ ပတ်လောက်ဆို MAHAR မှာကြည့်လို့ရပါပြီ’’ ဆိုပြီးတော့ ဇန်နဝါရီလ ၁၄ ရက်နေ့ နေ့လည် ၁၁ နာရီ ၄၃ မိနစ်က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။

Photo: ယုန်လေး

ယုန်လေးက လက်ရှိမှာ အော်ရဂျင်နယ် ဂိုဏ်းစတား -4 ကို ကိုယ်တိုင်ဒါရိုက်တာလုပ်ပြီး ရိုက်ကူးနေတာဖြစ်ပါတယ်။ သူကိုယ်တိုင် ရိုက်ကူးပြီးခဲ့တဲ့ ရုပ်ရှင်ဇာတ်ကားတွေကလည်း ပရိသတ်အကြိုက်နဲ့ ထပ်တူကျခဲ့ပါတယ်။ နောက်ဆုံး ရုံတင်ပြသခဲ့တဲ့ Speical -9 ရုပ်ရှင်ဇာတ်ကားကြီးကတော့ အောင်မြင်မှု များစွာ ရရှိခဲ့တဲ့ ဇာတ်ကားတစ်ကားဖြစ်ပါတယ်။

Photo: ယုန်လေး

ယုန်လေးကိုတော့ Rapper အဆိုတော်တစ်ယောက်အဖြစ် ပရိသတ်တွေ စတင်အားပေးခဲ့ကြတာဖြစ်ပါတယ်။ သူဟာ အနုပညာအလုပ်အပေါ် ဝါသနာကြီးလွန်းတဲ့သူဖြစ်တာကြောင့် ရုပ်ရှင်လောကဘက်ကိုပါ ဆောင်ရွက်လာတာ ကိုတွေ့ရပါတယ်။