ထူးအယ်လင်းဟာ သမီးကြီး ဖြူဖြူစင်စင်လင်း ကို တော့ သူကပဲ စောင့်ရှောက်ထားတယ်လို့ ဆိုပါတယ်။ သမီးဟာ ဂီတကို ဝါသနာပါသူ တစ်ယောက်ဖြစ်တာကြောင့် စိတ်ကျေနပ်လောက်တဲ့ ပညာရေးအဆင့်ရောက်လာမှသာ ဂီတအလုပ် လုပ်ခိုင်း မယ်လို့ ဆက်လက်ပြောပြလာ ပါတယ်။
Photo: Htoo El Lynn Facebok
အဆိုတော် ထူးအယ်လင်းက လက်ရှိ သူပိုင်ဆိုင်ထားတဲ့ မိသားစုဘဝလေးကို အရမ်းကျေနပ်နေတယ်လို့ ဆိုပါတယ်။ သမီးကြီး ဖြူဖြူစင်စင် လင်း ကို တော့ သူကပဲ စောင့်ရှောက်ထားတယ် ဆိုတာကို စက်တင်ဘာလ ၁ ရက်နေ့ ညက သမ္မတရုပ်ရှင်ရုံမှာ ကျင်းပပြုလုပ်ခဲ့တဲ့ Special 9 ရုပ်ရှင် အထူးပြသပွဲမှာ မီဒီယာတွေကို ပြောပြခဲ့တာဖြစ်ပါတယ်။
'' လက်ရှိ အစ်ကို့ရဲ့ မိသားစုဘဝကတော့ အေးချမ်းတယ်ပေါ့။ ကျွန်တော်စိတ်ချမ်းသာတယ်။ လက်ရှိဘဝကို ကျွန်တော် နှစ်သက်တယ်။ ပြီး တော့ ကလေး ၃ ယောက်အဖေ ဖြစ်သွားတာကတော့ ဒါ ပြောင်းလဲမှုတစ်ခုပေါ့။ သမီးကိုတော့ ကျွန်တော်ကပဲ ထိန်းသိမ်းစောင့်ရှောက်ထား တယ်။ သူ့ရဲ့ ပညာရေးကိုပဲ အဓိက ထားစေချင်တယ်'' လို့ သူကဆိုပါတယ်။
Photo: Htoo El Lynn Facebok
မြင့်မြတ်ကို ဂုဏ်ပြုမှတ်တမ်းပေးအပ်ခဲ့တဲ့ ထူးအယ်လင်း
ထူးအယ်လင်းရဲ့ သမီးဖြစ်သူ ဖြူဖြူစင်စင်လင်းကိုတော့ ငယ်ငယ်ကတည်းက ပရိသတ်တွေ အားပေးချစ်ခင်ခဲ့ကြတာဖြစ်ပါတယ်။ သမီးဟာ အခုလက်ရှိမှာတော့ ဂီတကို ဝါသနာပါသူဖြစ်တဲ့အတွက် သူစိတ်ကျေနပ်လောက်တဲ့ ပညာရေးအဆင့်တစ်ခုခု ရောက်ရှိလာမှသာ ဂီတအလုပ် ကို လုပ်ခိုင်းမယ်လို့ ဆက်လက်ပြောပြခဲ့ပါတယ်။
'' သမီးကိုလည်း လူရှေ့သူရှေ့ သိပ်ရုပ်လုံးမထုတ်စေချင်ဘူး။ ပြီးတော့ သမီးက သီချင်းဆိုတာကို ဝါသနာပါတယ်။ ဒါပေမယ့် ကျွန်တော် စိတ် ကျေနပ်လောက်တဲ့ ပညာရေး တစ်ခု အနေအထားရောက်မှ သူ့ကို ကျွန်တော် သီချင်းဆိုခိုင်းမယ်။ အဖေရော၊ အမေရော က အဆိုတော် ဆို တော့ သူလည်း ဝါသနာပါမှာပေါ့'' လို့ ဆိုပါတယ်။
Photo: Htoo El Lynn Facebok
ထူးအယ်လင်းဟာဇနီးဖြစ်သူ နုနုအယ်လင်း အပြင် သမီးကြီး ဖြူဖြူစင်စင်လင်းရယ်၊ သား မြူးဇစ်လင်း နဲ့ နောက်ထပ် သားလေး မင်းဇင်လင်း တို့ကို ပိုင်ဆိုင်ထားတဲ့ ဖခင်တစ်ယောက်ဖြစ်ပါတယ်။ အငယ်ဆုံးသားလေး မင်းဇင်လင်း ကို ရန်ကုန်မြို့ ပင်လုံဆေးရုံမှာ သြဂုတ်လ ၉ ရက် မနက် (၂)နာရီ (၅၉)မိနစ်မှာ မွေးဖွားခဲ့တာ ဖြစ်ပါတယ်။ သားလေးက ကြာသပတေး သား လေးဖြစ်ပြီး (၇)ပေါင်ရှိတယ်လို့ ထူးအယ်လင်းက ဆိုပါတယ်။
Photo: Htoo El Lynn Facebok
အဆိုတော် ထူးအယ်လင်းဟာ တကယ်လိုအပ်တဲ့ နေရာဒေသတွေမှာ မကြာခဏဆိုသလို သွားရောက် လှူဒါန်းမှုတွေ ပြုလုပ်လေ့ရှိပါတယ်။ အခုချိန်မှာလည်း အများအကျိုးအတွက် သယ်ဆောင်ရန် ရည်ရွယ်ချက်နဲ့ အများအကျိုးအတွက်လှူဒါန်းဖို့ ဂီတသစ်ပင် လို့ အမည်ပေးထားတဲ့ တေးစီးရီးလည်း ထုတ်ဖို့ ကြိုးစားနေတယ်လို့ သိရပါတယ်။