Photo: Ma Htet Facebook

''နီနီ့ သီချင်းMTVမှာ အမနဲ့အတွဲအဖြစ် သရုပ်ဆောင်ထားတာ အမရဲ့ ရည်းစားကောင်လေး မဟုတ်ပါဘူး။ အဲ့နေ့ရိုက်ကွင်းရောက်မှ မြင်ဖူး တာပါ။ နံမည်တောင် အိမ်ပြန်တဲ့လမ်းရောက်မှ မေးကြည့်ရတယ်။ ခဏဘဲရိုက်ရတော့ အချိန်မကြာတော့သေချာမိတ်မဆက်လိုက်ရပါဘူး'' ဆိုတာကို သြဂုတ်လ ၁၄ ရက်နေ့ ညနေ ၄ နာရီက သူ့ရဲ့ ဖေ့စ်ဘွတ်အကောင့်ကနေ ရေးသားခဲ့တာဖြစ်ပါတယ်။

Photo: Ni Ni Facebook

မထက်ဟာ သူ့ရဲ့ အချစ်ရေးနဲ့ ပတ်သက်ပြီး ပရိသတ်ကိုပွင့်ပွင့်လင်းလင်း ကြေညာထားသူ တစ်ဦးပါ။ Stand By Me သီချင်း MTV ကို သြဂုတ်လ ၁၃ ရက်နေ့က စတင်မိတ်ဆက်ပေးလိုက် ချိန်မှာပဲမထက်နဲ့ စိုင်းတွမ်ခမ် တို့က အပြင်မှာ တကယ့်ချစ်သူတွေလားဆိုတာကို ပရိသတ်တွေက အမျိုးမျိုးထင်ကြေးပေးနေ ကြတာဖြစ်ပါတယ်။

''ယူတို့ထင်သလို့ မ ရည်းစားမဟုတ်သလို မ ရည်းစားကလည်း အမကိုလူကြားထဲ တွဲခေါ်ထွက်ရဲဖို့လည်း မဖြစ်နိုင်ပါဘူးကွယ်။ စိတ်ဝင်တစား ကြည့့်ပေး ချစ်ပေး ခင်ပေးကြလို့ အရမ်းလည်း ကျေးဇူးတင်ပါတယ်။ တကယ်တော့ အမဘဝကလေ သူများတွေထင်သလောက် ပျော်စရာ မကောင်းပါဘူး'' လို့လည်း ဆက်လက်ရေးသားထားပါသေးတယ်။

Photo: Ma Htet Facebook

ချစ်ခြင်းအားလုံးကို ကိုယ်စားပြုတဲ့ Stand By Me သီချင်း 

မထက်ရဲ့ အချစ်ရေးဟာ ၂၀၁၈ ခုနှစ် ဖေဖော်ဝါရီလ အတွင်းက ချစ်သူသက်တမ်း ၅ နှစ်ပြည့်ခဲ့ပြီးပြီလို့ သိရပါတယ်။ သူတို့နှစ်ဦးရဲ့ အချစ်ရေးကလည်း အဆင်ပြေတယ်၊ နားလည်မှုနဲ့ ရှေ့ဆက်တယ်။ ပျော်ဖို့လည်းကောင်းတယ်ဆိုတာကို Duwun Media ရဲ့ အင်တာဗျူးမှာ ဖြေဆိုခဲ့ဖူးပါတယ်။

Photo: Ma Htet Facebook

အချစ်ရေးမှာ ရေရှည်လက်တွဲသွားချင်တာကြောင့်လည်း ချစ်သူကို ထုတ်မပြသေးတာလို့ မထက်က ပြောပါတယ်။ ချစ်သူကို ထုတ်ပြလိုက်ရင် ကွဲတာမြန်မှာကို စိုးရိမ်စိတ်ရှိတယ်လို့လည်း ဆိုပါတယ်။ အချိန်တန်ရင်တော့ ပရိသတ်တွေကို အရင်ဆုံးအသိပေးသွားမယ်လို့လည်း ပြောပြခဲ့ပါသေးတယ်။ မထက်ဟာ လက်ရှိ မိတ်ကပ်လောကမှာ အောင်မြင်နေသူတစ်ယောက်ပါ။