ပရိသတ်တွေ ရွေးချယ်ပေးလို့ ရတဲ့ဆုကို ပရိသတ်တွေအတွက် ပြန်ပြီး အကျိုးပြုသွားမယ်လို့ နေတိုးက ဆိုပါတယ်။ဆုရအောင် တောင်းဆိုပေးကြတဲ့ ပရိသတ်တွေကိုလည်း နေတိုးက ကျေးဇူးတင်ကြောင်းပြောခဲ့သလို အဲ့ဒီသီချင်းဟာ သူ့အတွက် အမှတ်တရတွေ အများကြီး ဖြစ်စေခဲ့တဲ့ သီချင်းလို့လည်း ဆိုပါတယ်။

သရုပ်ဆောင် နေတိုးဟာ Shwe FM ရဲ့ (၉)နှစ်ပြည့်ပွဲမှာ ပရိသတ်တွေရွေးချယ်ပေးတဲ့ ရုပ်ရှင်ဇာတ်ဝင်တေးသံရှင်ဆုကို ရရှိခဲ့တာပါ။ဆုပေးပွဲနေ့က ရုပ်ရှင်ရိုက်ကူးရေးနဲ့ အဝေးမှာ ရောက်နေတာကြောင့် ဆုပေးပွဲမှာ ဆုတက်မယူနိုင်ခဲ့ပါဘူး။ ဒါပေမယ့် သူ့ရဲ့ ဖေ့စ်ဘွတ်ပေ့ချ်ကနေ ပရိသတ်တွေကို ကျေးဇူးတင်စကား ပြောခဲ့ပါတယ်။

Photo : နေတိုး FB

“ဆုရအောင် တောင်းပေးခဲ့ကြတဲ့အတွက် ပရိသတ်တွေကို ကျေးဇူးတင်ပါတယ်။၂၀၁၈ ဟာလည်း ဒီသီချင်းလေးက ကျွန်တော့်အတွက် တော်တော် အမှတ်တရဖြစ်ခဲ့ပါတယ်။ဒီသီချင်းနဲ့ ပတ်သက်တဲ့ ဆုတွေကိုလည်း ပရိသတ်တွေအတွက် အမှတ်တရဖြစ်အောင် လှူဒါန်းသွားမှာပါ။ “ ဆိုပြီး မီဒီယာတွေကိုဖြေဆိုပေးခဲ့ပါတယ်။

Photo : နေတိုး FB

နေတိုးအတွက်၂၀၁၈ ခုနှစ်ဟာ အမှတ်တရတွေအများကြီးဖြစ်ခဲ့တဲ့နှစ်တစ်နှစ် ဖြစ်သလို အကယ်ဒမီဆုကြီးတွေ နောက်ထပ်ပိုင်ဆိုင်ဖို့ အခွင့်အလမ်းတွေ ရခဲ့တဲ့ နှစ်တစ်နှစ်ဖြစ်ဖို့ အလားအလာ ရှိလို့ နေပါတယ်။အကယ်ဒမီနဲ့ ပတ်သက်ပြီးတော့လည်း နေတိုးအတွက် ဘယ်လိုရင်ခုန်မှုတွေ ရှိနေမလဲဆိုတာ ယခုလို ပြောပြခဲ့ပါသေးတယ်။

“ဒါကနှစ်စဉ်နှစ်တိုင်း ပရိသတ်တွေက ခန့်မှန်းပေးခဲ့တယ်။ ပရိသတ်တွေရဲ့ခန့်မှန်းမှုတစ်ခုအပေါ်မှာ ခန့်မှန်းခွင့်ရအောင် ကိုယ်ကိုတိုင် သရုပ်ဆောင် ခွင့်ရတဲ့အတွက်လည်း ကျေနပ်မိပါတယ်။ ကြည်နူးမိပါတယ်။ ရခြင်းမရခြင်း သည် ကျွန်တော်တို့နဲ့ မဆိုင်သလို ကျွန်တော်တို့ရဲ့ ကြိုးစားအားထုတ်မှု သည် ပရိသတ်တွေအတွက် ကျေနပ်မှု တစ်ခုရတယ်ဆိုရင်ပဲ ကြိုးစားရကျိုးနပ်နေပါပြီ” လို့ နေတိုးက ဆက်လက်ပြောပြခဲ့ပါတယ်။

Photo : နေတိုး FB

နေတိုးဟာ အနုပညာ အရည်အသွေးပြည့်ဝ တာကြောင့် ပရိသတ်တွေရဲ့ အားပေးမှုကို အခိုင်အမာရရှိထားသူ တစ်ယောက်အဖြစ် သရုပ်ဆောင်လောကမှာ အောင်မြင်စွာ ရပ်တည်နေသူတစ်ဦး ဖြစ်ပါတယ်။

Photo : နေတိုး FB

ဒါ့အပြင် နေတိုးဟာ ကိုယ်ပိုင်စတူဒီယိုတစ်ခုဖြစ်တဲ့ Story Book Movie Studio ကို မြောက်ဒဂုံမြို့နယ်၊ ၄၁ တိုးချဲ့ရပ်ကွက်၊ တော်ဝင် အိမ်ရာ၊ မြတ်လေးလမ်း၊ No.(G-10) နေရာမှာ ဖွင့်လှစ်ထားပါတယ်။