ပိုင်ဖြိုးသုတစ်ယောက် ခင်ပွန်းဆီက ရိုမန့်တစ်ဆန်တဲ့ လက်ဆောင်လေး ရရှိခဲ့တယ်လို့ ဆိုပါတယ်။ သူတို့ ဇနီးမောင်နှံဟာ ၂၀၁၉ ဇန်နဝါရီလ အတွင်းက လက်ထပ်ခဲ့ကြတာပါ။

ပိုင်ဖြိုးသုက ခင်ပွန်းဖြစ်သူ ဒါရိုက်တာဏကြီးဆီက Valentine’s Day လက်ဆောင်လေးရလို့ ပျော်ရွှင်နေတာကို တွေ့ရပါတယ်။ အိမ်ထောင်ကျပြီးမှ ရိုမန့်တစ်ဆန်ဆန်လေးတွေ လုပ်ပေးလာတယ်လို့ ဆိုပါတယ်။

‘’ ဒီတစ်ခါတော့ ကိုယ်လိုချင်နေတာလေး ကွက်တိ၊ အိမ်ထောင်ကျပြီးမှ ရုတ်တရက် Ro လာသူကြီး’’ ဆိုပြီးတော့ ဖေဖော်ဝါရီလ ၁၄ ရက်နေ့ ည ၉ နာရီကျော်က သူ့ရဲ့ Facebook Story မှာ တင်ခဲ့ပါတယ်။ အဲဒီနောက် ရိုမန့်တစ်ဆန်တဲ့ ညစာစားဖို့ ပြင်ဆင်နေတဲ့ ခင်ပွန်းဖြစ်သူ ဒါရိုက်တာ ဏကြီး ပုံကိုလည်း တင်ခဲ့ပါတယ်။

ဒါရိုက်တာဏကြီးနဲ့ သရုပ်ဆောင်ပိုင်ဖြိုးသုတို့ဟာ ၂၀၁၉ ခုနှစ် ဇန်နဝါရီလ ၁ ရက်နေ့မှာ မင်္ဂလာပွဲ ကျင်းပခဲ့ကြတာဖြစ်ပါတယ်။ သူတို့ နှစ်ဦးဟာ ချစ်သူသက်တမ်း ၅ နှစ်ပြည့်တဲ့နေ့မှာ လက်ထပ်ခဲ့ကြတာပါ။

မင်္ဂလာဦးအလှူကို ဇန်နဝါရီ(၁) ရက်နေ့ မနက်ပိုင်းမှာ ရန်ကုန်မြို့၊ မြန်မာနိုင်ငံ ရုပ်ရှင်အစည်းအရုံးမှာ ပြုလုပ်ခဲ့ပြီး မင်္ဂလာညစာစားပွဲကိုတော့ အင်းယားလိဂ်ဟိုတယ်မှာ ကျင်းပခဲ့တာဖြစ်ပါတယ်။

Photo: ပိုင်ဖြိုးသု

ပိုင်ဖြိုးသုဟာ ဆေးတက္ကသိုလ်ကျောင်းသူဘဝကတည်းက အနုပညာလောကထဲကို စတင်ဝင်ရောက်လာပြီး ဗီဒီယိုဇာတ်ကားတွေ ရိုက်ကူးခဲ့ပါသေးတယ်။ အဲ့ဒီနောက် ပညာရေးကိုဦးစားပေးခဲ့လို့ ပရိသတ်တွေနဲ့ ခဏတာ အဆက်ပြတ်နေခဲ့တာပါ။ ကျောင်းပြီးသွားချိန်မှာတော့အနုပညာပျိုးခင်းရဲ့ စင်တင်မင်းသမီးတစ်ဦးအဖြစ် သရုပ်ဆောင်အလုပ်တွေ ပြန်လုပ်လာခဲ့တာဖြစ်ပါတယ်။

Photo: Amazing Grace

အဲ့ဒီနောက် ပိုင်ဖြိုးသုက ဘီလူးမ၊ သရဲမနှင့် မိန်းမပျို ရုပ်ရှင်ဇာတ်ကားနဲ့ ၂၀၁၇ခုနှစ်အတွက် အကောင်းဆုံး အမျိုးသမီးဇာတ်ပို့ဆုကို ဆွတ်ခူးနိုင်ခဲ့ပါတယ်။ အခုလက်ရှိမှာလည်း ဒါရိုက်တာ ခရစ္စတီးနားခီ ရိုက်ကူးတဲ့ ‘’ထာဝရနှောင်ကြိုး’’ ဆိုတဲ့ ရုပ်ရှင်ဇာတ်ကားကြီးမှာ မင်းသား ဇဏ်ခီ နဲ့ အတူ အဓိက သရုပ်ဆောင်အဖြစ် ပါဝင်ရိုက်ကူးနေတာဖြစ်ပါတယ်။