သန္တာဗိုလ်ကတော့ မိခင်ဖြစ်သူမရှိတော့တဲ့ နောက်မှာ အစ်မဖြစ်သူတွေနဲ့ အစစအရာရာ တိုင်ပင်ဖြစ်နေတယ်လို့ ပြောပါတယ်။
Photo: Thandar Bo
သန္တာဗိုလ်ရဲ့ မိခင်ကတော့ ၂၀၂၀ ခုနှစ် ဧပြီလ အတွင်းက ရုတ်တရက်ကွယ်လွန်သွားခဲ့တာလို့ သိရပါတယ်။ အခုဆိုရင်တော့ သူမရဲ့ မိခင်ကွယ်လွန်တာ (၈) လပြည့်ပါပြီ။ မိခင်ဖြစ်သူ ကွယ်လွန်ပြီးတဲ့ နောက်မှာ အိပ်မက် မက်ခဲ့ရတာတွေကို သန္တာဗိုလ်က Duwun ကို ပြောပြလာပါတယ်။
Photo: Thandar Bo
သန္တာဗိုလ်ဟာ မိခင်ဖြစ်သူနဲ့ အတူတူနေထိုင်တာဖြစ်သလို မောင်နှမတွေထဲမှာလည်း အငယ်ဆုံးသမီးလေး ဖြစ်ပါတယ်။ ဒါကြောင့် လက်ရှိမှာ အစ်မဖြစ်သူတွေရဲ့ စောင့်ရှောက်မှုအောက်မှာနေထိုင်တယ်လို့ သိရပါတယ်။ သူမရဲ့ အနုပညာအလုပ်တွေ၊ အိမ်အလုပ်တွေကိုလည်း အစ်မဖြစ်တဲ့ ချောရတနာနဲ့ တိုင်ပင်နေတယ်လို့ သူက ဆိုပါတယ်။
Photo: Thandar Bo
သန္တာဗိုလ်ကတော့ အနုပညာလောကထဲကို မော်ဒယ်လ် တစ်ယောက်အနေနဲ့ စတင်ဝင်ရောက်ခဲ့တာပါ။ သူမကိုတော့ သရုပ်ဆောင် ချောရတနာရဲ့ ညီမငယ်လေးအဖြစ် ပရိသတ်တွေ ပိုသိလာခဲ့ကြတာဖြစ်ပါတယ်။ အခုချိန်ထိလည်း သန္တာဗိုလ်က မော်ဒယ်လ် တစ်ယောက်အနေနဲ့သာ အနုပညာလောကထဲမှာ ရပ်တည်နေတာ တွေ့ရပါတယ်။ ဒါ့အပြင် သရုပ်ဆောင် ကောင်းပြည့်ရဲ့ ချစ်သူဆိုလည်း မမှားပါဘူး။