လီဗာပူးအသင်းအတွက် ပရီးမီးယားလိဂ်ပြိုင်ပွဲသမိုင်းတစ်လျှောက် ပထမဆုံး ချန်ပီယံဆုကို ကိုင်မြှောက်နိုင်ဖို့ နီးစပ်နေတာလည်း ဖြစ်ပါတယ်။

လီဗာပူးက လက်ရှိမှာ မန်စီးတီးထက် ၁၄ မှတ် သာနေသလို တစ်ရာသီလုံး ၂ မှတ်သာ ဆုံးရှုံးထားတာ ဖြစ်ပါတယ်။

ဒီအချိန်မှာ လီဗာပူးကို မီဖို့ ဘာလုပ်ရမလဲဆိုတဲ့ အမေးအပေါ်မှာတော့ - “ အလုပ်အရမ်းကြိုးစားရမယ်၊ပိုကောင်း အောင် ကစားရမယ်၊နောက်ပြီး ဘုရားဆီမှာ ဆုတောင်းရမယ်”လို့ ဂွါဒီယိုလာက ပြန်ဖြေခဲ့တာပါ။

မန်စီးတီးအနေနဲ့ ပရီးမီးယားလိဂ်ချန်ပီယံဆုကို ၂ နှစ်ဆက်တိုက် ဆွတ်ခူးထားတာကြောင့် ဒီနှစ်မှာ ထပ်ရမယ်ဆိုရင် အသင်းသမိုင်းတစ်လျှောက် ပထမဆုံးအကြိမ် ၃ နှစ်ဆက် ချန်ပီယံ ဖြစ်လာမှာ ဖြစ်ပေမယ့် ဒီနှစ်မှာတော့ လီဗာပူးက ဦးဆောင်နေတာပါ။

လီဗာပူးကတော့ မနှစ်က ဥရောပ ချန်ပီယံဖြစ်ပြီးနောက် ဥရောပ စူပါဖလားနဲ့ ကမ္ဘာ့ကလပ် ချန်ပီယံ ဆုတွေကို လည်း ဆက်တိုက် သိမ်းပိုက်ထားနိုင်ပါတယ်။

ဒီနှစ်မှာ ပရီးမီးယားလိဂ် ချန်ပီယံ ဖြစ်ခဲ့မယ်ဆိုရင်တော့ လီဗာပူးအသင်း သမိုင်းတစ်လျှောက် ပထမဆုံး ပရီးမီးယားလိဂ် ဆုဖလားဖြစ်လာတော့မှာပါ။