ဝယ်ယူဖို့ ချိန်ရွယ်ထားသူတွေကိုတော့ လာမယ့်နွေရာသီစျေးကွက်ကျမှ ခေါ်ယူနိုင်ဖွယ်ရှိနေပြီး လတ်တလော မှာတော့ လူငယ်တွေနဲ့ပဲ အစားထိုးပြီး အသင်းကို ထိန်းကစားသွားရမှာပါ။

လက်ရှိမှာတော့ နည်းပြကလော့ပ်မှာ ဒေါင်ဒေါင်မြည် စီနီယာ နောက်ခံလူဆိုလို့ ဂျိုးမာတစ်တစ်ဦးတည်းသာရှိ နေတော့ပြီး ဗန်ဒိုက်၊ဂျိုးစ်ဂိုမက်ဇ်တို့ ဒဏ်ရာတွေ ပြင်းထန်စွာ ကိုယ်စီ ရရှိထားကြတာပါ။

ဒီအခြေအနေမှာ ပရီးမီးယားလိဂ် သရဖူကို ကာကွယ်နိုင်ဖို့ဆိုရင်တော့ လီဗာပူးအနေနဲ့ အားနည်းနေတဲ့ နောက် တန်းဗဟိုချက်ကို မဖြစ်မနေ ဖြည့်စွက်ဖို့ လိုအပ်နေပေမယ့် The Athletic သတင်းဌာနရဲ့ ဖော်ပြချက်အရတော့ လာမယ့်ဇန်နဝါရီ စျေးကွက်အတွင်း လီဗာပူးအနေနဲ့ လူဝယ်ဖို့ ရည်ရွယ်ချက်မရှိဘူးလို့သိရတာပါ။

နောက်တန်းကို ဖြည့်တင်းဖို့အတွက်မူ လီဗာပူး ကာလရှည် ချိတ်ဆက်နေတဲ့ ကစားသမားတွေတော့ရှိပြီး လိုက်ပ် ဇစ်က အူပါမီကာနိုနဲ့နာပိုလီက ကောင်လီဘလီတို့ဖြစ်ပါတယ်။

ဒါပေမယ့်လည်း အဆိုပါကစားသမားတွေကို လာမယ့် ဇန်နဝါရီအတွင်းခေါ်ယူနိုင်ဖို့ဆိုတာ မဖြစ်နိုင်သေးပဲ ဒီ ကစားသမားတွေကို ခေါ်ယူဖို့ကတော့ နည်းပြ ကလော့ပ်တစ်ဦးတည်းရဲ့ ဆုံးဖြတ်ချက်နဲ့ မရပဲ အဆင့်ဆင့် ညှိနှိုင်း ဆွေးနွေးဖို့လိုတာကြောင့် နွေရာသီအထိ ‌စောင့်ရနိုင်ပါတယ်။

အစောဆုံးကစားရမယ့်ပွဲက လက်စတာစီးတီးအသင်းနဲ့ပွဲဖြစ်ပြီး အဓိက ကစားသမားတွေနေရာမှာတော့ လူငယ် ကစားသမားတွေဖြစ်တဲ့ နတ်ဖိလစ်နဲ့ရွိုင်းဝီလီယံတို့ ရှိနေပါတယ်။

လီဗာပူးမှာ ဗဟိုနောက်ခံလူ နေရာတစ်ခုတည်းမဟုတ်ပဲ အခြားသော နေရာတွေမှာလည်း အဓိက ကစားသမားတွေ ဖြစ်ကြတဲ့ အယ်လ်ကန်တာရာ၊ချိန်ဘာလိန်၊ဆာလာ၊အာနိုးလ်၊ရော်ဘင်ဆင်စတဲ့ အဓိက ကစားသမားတွေ ဒဏ်ရာကြောင့် အသင်းနဲ့ မပူးပေါင်းထားနိုင်ပါဘူး။