Photos: Daily Mail

မန်ယူအသင်းရဲ့ရာသီကြိုခြေစမ်းပွဲရလဒ်ဆိုးတွေနဲ့ပတ်သက်ပြီး ပရိသတ်တွေကို ပြောကြားလိုက်တဲ့ မော်ရင်ဟို 

Photos: Sportskeeda

"နောက်ဆက်တွဲကိစ္စတွေ ကျွန်တော် မသိပါဘူး။ အဝတ်လဲခန်းထဲမှာ ကျွန်တော် ရှိမနေခဲ့ဘူးလေ"

"သူ့ခြေချင်းဝတ်မှာ ဒဏ်ရာရသွားတာပါ။ ကျွန်တော်တို့ စောင့်ကြည့်ရဦးမှာပါ။ အဲဒါက ပြဿနာမဟုတ်လောက်ပါဘူး"

"ကျွန်တော် အရာအများကြီးအတွက် စိုးရိမ်နေရတယ်။ ဒဏ်ရာရကစားသမားတွေအတွက်ရော၊ ပြန်မလာသေးတဲ့ကစားသမားတွေအတွက်ရော။ ဒါပေမယ့် ကျွန်တော့်အသင်းသားတွေအားလုံး လုပ်ပြခဲ့တဲ့ ရာသီကြိုခြေစမ်းပွဲစဉ်တွေက ခြေစွမ်းကိုတော့ စိတ်ကျေနပ်မှုရှိပါတယ်"

ခြေချင်းဝတ်ဒဏ်ရာရရှိသွားတဲ့ မာရက်ဇ်ရဲ့နေရာကို ဘာနာဒိုဆေးလ်ဗားက လူစားဝင်ကစားခဲ့ပြီး ပထမပိုင်းပြီးဆုံးလို့ နာကျင်အချိန်ပို ၄၆ မိနစ်မှာ မန်ချက်စတာစီးတီးအသင်းအတွက် ပထမချေပဂိုးကို သွင်းယူပေးနိုင်ခဲ့ပါတယ်။

Photos: Manchester Evening News

ပထမပိုင်းမှာ ၂ ဂိုးအထိ ပေးခဲ့ရပေမယ့် နောက်ကနေ ၃ ဂိုးလိုက်သွင်းယူပြီး အနိုင်ရရှိခဲ့တဲ့ပွဲစဉ်အပြီးမှာ နည်းပြပက်ဂွါဒီယိုလာက သတင်းထောက်တွေကို အခုလိုဆက်လက်ပြောကြားခဲ့ပါတယ်။

"ကျွန်တော်တို့ ပြီးခဲ့တဲ့ပွဲစဉ်က အမှားတွေကို လေ့လာဆန်းစစ်ပြီး ဒီနေ့မှာ ပိုကောင်းအောင် ကစားနိုင်ခဲ့ပါတယ်။ ကျွန်တော်တို့ အစကောင်းခဲ့ပြီး အခွင့်အရေးတွေအများကြီးရခဲ့ပါတယ်။ ဒီအတိုင်းပဲဆက်ပြီးသွားမှာပါ။ ကျွန်တော် ကျေနပ်ပါတယ်"

"ကျွန်တော်တို့ လူငယ်ကစားသမားတွေ၊ ကစားသမားသစ်တွေနဲ့ ဒီကိုလာခဲ့တာပါ။ သူတို့အတွက် ကောင်းမွန်တဲ့အနာဂတ်ဖြစ်လာပါလိမ့်မယ်။ ဒီရာသီကြိုပွဲစဉ်တွေက သူတို့ကို ပွဲစဉ်အကြောင်း နားလည်ဖို့ အကူအညီဖြစ်စေပါတယ်။ ဒီနှစ်ပတ်အတွင်းမှာ သူတို့ကြောင့် ကျွန်တော်ဘယ်လောက်စိတ်ပျော်ရွှင်ရလဲဆိုတာ ခင်ဗျား မသိပါဘူး။ လူငယ်ကစားသမားတွေမှာ စိတ်ဆန္ဒပြင်းပြမှုတွေရှိတယ်။ သူတို့ဟာ မျက်လုံးကိုဖွင့်၊ နားကိုစွင့်ထားကြတယ်။ ဘာကြောင့်လဲဆိုတော့ ရှေ့မှာ သူတို့ရဲ့ကစားသမားဘဝတစ်ခုလုံး ရှိနေတာကိုး။ သူတို့တွေကို ကျွန်တော် ကျေးဇူးတင်ကြောင်း ပြောချင်ပါတယ်"လို့ ပြောကြားခဲ့ပါတယ်။