ထောင်ဂဏန်းနဲ့ရတဲ့အထည်ကို သိန်းနဲ့ချီရောင်းနေတာပါ။
Su Yee Moe

ဖက်ရှင်ဆိုတာ တစ်ပတ်ပြန်လည်တတ်ပါတယ်။ အရင်က ခေတ်စားခဲ့တာတွေ နောင်တစ်ချိန်မှာ ပြန်ခေတ်စားလာတာကိုက ဖက်ရှင်ရဲ့သဘောသဘာဝပါပဲ။ ဒါပေမဲ့ မြန်မာတွေဝတ်တဲ့ လုံချည်တွေဟာ ကမ္ဘာကျော်ဖက်ရှင်အမှတ်တံဆိပ်က သက်ဝင်ခံစားပြီး ရောင်းချတာကတော့ ထူးထူးခြားခြားဖြစ်နေပါတယ်။

_99821838_befunkycollage.jpg 

လုံချည်/ပုဆိုး ဆိုတာက မြန်မာအမျိုးသားတိုင်းဝတ်ကြတယ်။ တကယ်လို့ ဘုရားကျောင်းကန်တွေကို ဘောင်းဘီတိုနဲ့ ဝတ်သွားမိတဲ့အခါ အပေါ်ကနေလုံချည်လေးထပ်ဝတ်ပြီးမှ တက်ရတယ်။ မြန်မာအပါအဝင် အာရှနိုင်ငံအချို့မှာလည်း လုံချည်ကို ဝတ်ဆင်ကြပါတယ်။ လုံချည်တစ်ကွင်းရဲ့ဈေးကလည်း ထောင်ဂဏန်းဝန်းကျင်နဲ့ ရနိုင်ပါတယ်။

pri_67414902.jpg 

ခုတော့ ကမ္ဘာကျော် ဖက်ရှင်အမှတ်တံဆိပ် Zara က လုံချည်နဲ့ အတော်ကြီးကို ဆင်တူတဲ့ ဖက်ရှင်တွေကို စတင်ရောင်းချလိုက်ပါတယ်။ တစ်ထည်ကို ၆၉ ပေါင် (ကျပ်တစ်သိန်းကျော်)နဲ့ ယူကေမှာ ရောင်းနေတာပါ။ Zara ကတော့ ဒါကို "check mini skirt" လို့ ပြောပါတယ်။ အရှေ့ဘက်မှာ ချည်နှောင်ဝတ်ရတဲ့စကတ်လို့ ပြောပြီး ရောင်းချနေပါတယ်။

pri_67414839.jpg 

Zara ရဲ့ စကတ်ဖက်ရှင်ဟာ လူမှုကွန်ရက်တွေပေါ်မှာတော့ ဟားတိုက်ခံရနေရပါတယ်။ အာရှဒေသ အမျိုးသားတွေဝတ်တဲ့ လုံချည်ကို ဈေးကြီးကြီးနဲ့ရောင်းနေတယ်လို့လည်း ဝေဖန်နေကြပါတယ်။ တချို့တလေကတော့ Zara ဟာ အမျိုးသားဝတ်ဖက်ရှင်ကို အမျိုးသမီးတွေပါ ဝတ်ဆင်နိုင်တောင် ဆန်းသစ်ဖန်တီးလိုက်တယ်လို့ အကောင်းဘက်က မှတ်ချက်ပေးနေတာလည်း တွေ့ရပါတယ်။

Source : BBC, Metro


ဆက်စပ်အကြောင်းအရာများ


က္က