Thurein Tun

sad_wallpaper_with_couple-1_1.jpg 

ကိုယ့်ဘက်က မြတ်မြတ်နိုးနိုးရှိခဲ့ပေမယ့် ငြင်းခံခဲ့ရပါတယ်။ အချိန်တစ်ခုကြာပြီးမှ သူ့ဘက်က ပြန်လည်လက်ခံချင်တဲ့ ပုံစံမျိုး ပြနေတဲ့အခါ ဆုံးဖြတ်ရခက်တတ်ပါတယ်။ အထူးသဖြင့် ကိုယ့်ဘဝထဲ သူမရှိတော့ဘူးလို့ လက်ခံနေသားကျပြီးနေမှ ပြန်ရောက်လာသူအတွက် နေရာဘယ်လိုပေးရမလဲဆိုတာ ဝေခွဲမရပါဘူး။ ဒီလိုအခြေအနေမျိုးနဲ့ ကြုံနေရရင် အဓိကစဉ်းစားရမယ့် အချက်တွေ ရှိပါတယ်။

၁ - အထီးကျန်မှုနဲ့မဆိုင်

ကိုယ်အထီးကျန်နေတာနဲ့ပဲ ဒီလူကို လက်ခံလိုက်မယ်ဆိုတာမျိုး မလုပ်သင့်ပါဘူး။ အထီးကျန်နေတဲ့အချိန်ဟာ ဆက်ဆံရေးတစ်ခုတည်ဆောက်ဖြစ်သွားဖို့ လွယ်ကူတာတော့မှန်ပါတယ်။ ဒါပေမဲ့ တစ်ဖက်လူကလည်း တွဲဖက်မရှိဘဲ အထီးကျန်နေတာကြောင့် ငြင်းပြီးမှ သင့်ကို ပြန်လက်ခံတာလားဆိုတာကလည်း စဉ်းစားသင့်ပါတယ်။

(သင်စိတ်ဝင်စားနိုင်တဲ့ဆောင်းပါး - သူငယ်ချင်းစုံတွဲနဲ့အတူ အပြင်သွားမိတဲ့ Single တစ်ယောက်ရဲ့ဒုက္ခတွေ)

o-COLLEGE-REJECTION-facebook.jpg 

၂ - အခွင့်အရေးပေးလိုက်မိလား

ငြင်းခံရပြီး အတော်ကြာမှ သင့်ဘက်က သူ့အပေါ်လိုလားနေဆဲဖြစ်တယ်ဆိုတဲ့ အရိပ်အယောင်တွေ သွားပေးမိလား။ ဒီလိုသွားပေးမိတာကြောင့် သူ့ဘက်က ပြန်လည်လာတာလား။ သူ့ဘက်က စိတ်လည်လာတဲ့အကြောင်းအရင်းကို သေချာသိသင့်ပါတယ်။ တွဲဖြစ်ရင်တောင် သူ့ဘက်က နားလည်မှုမရှိဘဲ အနိုင်ကျင့်မယ့် အရိပ်အယောင်တွေရှိလားဆိုတာကိုလည်း စဉ်းစားသင့်ပါတယ်။

၃ - ပြင်းထန်တဲ့ ငြင်းဆိုမှု

ငြင်းခံရတဲ့အချိန်တုန်းက သင့်ကို နာကျင်အောင်လုပ်ခဲ့လား။ လက်တွဲလို့ မဖြစ်ဘူးလို့ ရိုးရိုးလေးမပြောဘဲ သင့်ကို အရှက်ရအောင်၊ သိက္ခာကျအောင် တမင်လုပ်ခဲ့လား။ ဒီလိုလူမျိုးတွေကိုတော့ သတိထားပါ။သူတို့တွေဟာ တစ်ဖက်သားနာကျင်ခံစားမှုကို လိုချင်နေသူတွေ ဖြစ်တတ်ပါတယ်။ သူ့ဘက်က စိတ်လည်လာတောင် မတွဲသင့်ပါဘူး။ စိတ်ပိုင်းဆိုင်ရာအနိုင်ကျင့်မယ့်သူတွေ ဖြစ်တတ်ပါတယ်။

reject-positive-lifestyle.jpg 

၄ - အကြောင်းအရင်း

သူဘာကြောင့် သင့်ဆီပြန်လှည့်လာတယ်ဆိုတဲ့ အကြောင်းအရင်းကို အတတ်နိုင်ဆုံး တိတိကျကျ သိဖို့ လိုပါတယ်။ ဒီလိုသိဖို့ သုံးသပ်တဲ့နေရာမှာလည်း လက်တွေ့ကျဖို့ အရေးကြီးပါတယ်။ အစောကြီးကတည်းက ကိုယ်က သဘောကျတဲ့လူဖြစ်တာကြောင့် အလွယ်တကူတိမ်းညွှတ်သွားနိုင်ပါတယ်။ အထူးသဖြင့်တော့ သင့်အပေါ် ပြန်လည်ချည်းကပ်မှုမှာ လေးစားမှုရှိရဲ့လားဆိုတာကို ကြည့်သင့်ပါတယ်။ သင့်ဘက်ကလည်း မငြင်းချင်ဘူးဆိုရင်တော့ အချိန်တစ်ခုဆွဲပြီး စောင့်ကြည့်သင့်ပါတယ်။

၅ - ကမ်းလှမ်းသူ

ကိုယ်က စခဲ့ပြီးမှ ငြင်းခံရတာပါ။ လက်ရှိမှာ ကိုယ်ကို စပြီး ကမ်းလှမ်းတဲ့သူရှိထားတယ်၊ ဒီလူနဲ့လည်း အဆင်ပြေတယ်ဆိုရင်တော့ စိတ်ပြန်လည်လာသူဘက် ပါသွားဖို့ကို တော်တော်လေး အချိန်ယူစဉ်းစားရမှာ ဖြစ်ပါတယ်။ ဘာမှလေးလေးနက်နက် မရှိဘဲ တည်ငြိမ်နေတဲ့ သင့်အခြေအနေကို နောက်ကျိအောင် လုပ်တာလည်း ဖြစ်နေနိုင်ပါတယ်။ တကယ်မတွဲချင်ဘဲ စိတ်ပျော်ရုံသက်သက် လာလုပ်တာ ဖြစ်နေနိုင်ပါတယ်။

Photos & Source: Digital Romance


ဆက်စပ်အကြောင်းအရာများ


က္က