လှပနူးညံ့တဲ့ နှုတ်ခမ်းမျိုးကို အမျိုးသမီးတိုင်းအလိုရှိပါတယ်။ ဒီလိုနှုတ်ခမ်းမျိုးကို မဂ္ဂဇင်းမျက်နှာဖုံးနဲ့ သင်ကြိုက်တဲ့ ထင်ရှားကျော်ကြားသူတွေရဲ့ မျက်နှာမှာ တွေ့ရလေ့ရှိပါတယ်။ ဒါပေမဲ့ ဒီလိုနှုတ်ခမ်းကို သင်လည်း သဘာဝကျကျ ရယူနိုင်ပါတယ်။ အောက်ပါအချက်လေးတွေကိုတော့ လိုက်နာဖို့ လိုပါတယ်။
1 - Lip Balm
သင့်မျက်နှာပေါ်လိမ်းမယ့် မိတ်ကပ်ကို သေချာရွေးချယ်ဝယ်ယူသလို နှုတ်ခမ်းပေါ်လိမ်းမယ့် ပစ္စည်းတွေကိုလည်း သေချာရွေးဝယ်သင့်ပါတယ်။ ဒီလိုဝယ်ယူတဲ့အခါ နေရောင်မှ ကာကွယ်ပေးတဲ့ lip balm မျိုးကို ဝယ်ယူသင့်တယ်လို့ American Academy of Dermatology က အကြံပြုထားပါတယ်။ SPF 30 နဲ့ 30 အထက်ကို ဝယ်ယူသင့်တယ်လို့ ဆိုပါတယ်။ အနံ့ပါတာတွေကိုတော့ ရှောင်ရှားသင့်ပါတယ်။ နှုတ်ခမ်းသားခြောက်သွေ့တတ်သူတွေဟာ ပရုတ်ပါတာမျိုးကို မရွေးချယ်သင့်ပါဘူး။ နှုတ်ခမ်းကို အစိုဓာတ်ပေးနိုင်တဲ့ ပစ္စည်းတွေ ပါဝင်တာမျိုးကို ရွေးချယ်ရာမှာ ဖြစ်ပါတယ်။ glycerin, mineral oil, aloe, lactic acid, sorbitol, Lanolin နဲ့ beeswax ပါတာမျိုးတွေကို ရွေးချယ်ပေးသင့်ပါတယ်။
(သင်ကြိုက်နိုင်မယ့်ဆောင်းပါး - အကိတ်လေးတွေကို ပိန်သလိုဖြစ်သွားစေမယ့် ဖက်ရှင်လျှို့ဝှက်ချက် (၇) ခု)
2 - Exfoliate (ဆဲလ်အသေတွေကို ဖယ်ရှားခြင်း)
ခန္ဓာကိုယ်နဲ့ မျက်နှာက ဆဲလ်အသေတွေကို ဖယ်ရှားလေ့ရှိသလို နှုတ်ခမ်းသားကိုလည်း ပြုလုပ်ပေးသင့်ပါတယ်။ ဒီလိုလုပ်ဖို့အတွက် သကြားနဲ့ ပျားရည်ကိုပဲ သုံးပေးရမှာ ဖြစ်ပါတယ်။ သကြားကို ပျားရည်နဲ့တို့ပြီး နှုတ်ခမ်းကို ဖြည်းဖြည်းချင်းပွတ်ပေးရမှာ ဖြစ်ပါတယ်။ ဆဲလ်အသေတွေဖယ်ရှားပေးတဲ့အခါ collagen အသစ်တွေ ဖြစ်ပေါ်ဖို့ လွယ်ကူပြီး နှုတ်ခမ်းသား ရင့်ရော်မှုဖြစ်စဉ်ကို လျော့ကျစေပါတယ်။
(သင်ကြိုက်နိုင်မယ့်ဆောင်းပါး - ဆံပင်တွေ သန်ဖို့အတွက် ဒိန်ချဉ်ကို ဘယ်လိုသုံးမလဲ)
3 - Smoking (ဆေးလိပ်သောက်ခြင်း)
ဆေးလိပ်သောက်ခြင်းနဲ့ အရွယ်မတိုင်ခင် အရေပြားရင့်ရော်ခြင်းဟာ ဆက်စပ်မှုရှိပါတယ်။ ဆေးလိပ်သောက်ခြင်းဟာ အရေပြားဆဲလ်တွေရဲ့ ပျက်စီးမှုကို မြန်ဆန်စေပြီး collagen တွေကိုလည်း ဆုံးရှုံးကာ အရေပြားတွန့်တာတွေ ဖြစ်လာပါတယ်။ ဒါကြောင့် နှုတ်ခမ်းသားအရေပြားကို ထိခိုက်မယ့် ဆေးလိပ်ကို ရှောင်သင့်ပါတယ်။
(သင်ကြိုက်နိုင်မယ့်ဆောင်းပါး - Botox မလိုဘဲ မျက်နှာအရေပြားတင်းရင်းစေမယ့် ပေါင်းတင်နည်း (၅) မျိုး)
4 - Drinking (ရေသောက်ခြင်း)
နှုတ်ခမ်းသားစိုနေဖို့အတွက် သင့်ခန္ဓာကိုယ်မှာ ရေဓာတ်လုံလုံလောက် ရှိနေဖို့လည်း လိုပါတယ်။ နေ့စဉ်နေ့တိုင်း ရေများများ သောက်ပေးဖို့ လိုပါတယ်။ တစ်နေ့ကို အမျိုးသမီးတွေဆိုရင် ၂.၇ လီတာလောက် သောက်သင့်ပြီး အမျိုးသားတွေဆိုရင်တော့ ၃.၇ လီတာ သောက်ရမှာ ဖြစ်ပါတယ်။ ရေသောက်နည်းတယ်ဆိုရင်လည်း ရေဓာတ်များတဲ့ ဖရဲသီးလို အသီးအနှံ့တွေကို စားပေးသင့်ပါတယ်။
(သင်ကြိုက်နိုင်မယ့်ဆောင်းပါး -နူးညံ့လှပတဲ့ ခြေဖဝါးလေးတွေ ရရှိဖို့အတွက် ပြုလုပ်ရမယ့်အဆင့် (၃) ဆင့် )
Photos & Source: WebMD