၁ - ပထမဆုံးချိန်းတွေ့တဲ့ အချိန်

ပထမဆုံးချိန်းတွေ့တဲ့အချိန်လောက် စိတ်လှုပ်ရှားစရာ ကောင်းတာ မရှိပါဘူး။ ဆိုင်တစ်ဆိုင်မှာ ထိုင်ပြီး တွေ့တာမျိုး ဖြစ်နိုင်ပေမဲ့ နောင်တစ်ချိန်မှာ လက်ထပ်တဲ့နေ့လို ကြီးကြီးမားမား ပြန်ပြောရမယ့် နေ့ပါပဲ။ ဘယ်လောက်ပဲ အတွေ့အကြုံရှိရှိ တကယ်ချစ်တဲ့လူနဲ့ ပထမဆုံးချိန်းတွေ့တဲ့နေ့ဟာ မမေ့နိုင်စရာပါပဲ။

၂ - ဘာမှမလုပ်တဲ့အချိန်

အခွင့်အရေးယူလို့ရလောက်အောင် နှစ်ယောက်တည်းရှိနေပေမဲ့ ဘာအခွင့်အရေးမှ မယူခဲ့တဲ့ အခိုက်အတန့် ဖြစ်ပါတယ်။ ဒါဟာ မမေ့နိုင်စရာ ကိစ္စရပ်တစ်ခုပါပဲ။ အဲ့ဒီအချိန်မှာ တစ်ယောက်နဲ့တစ်ယောက်အတူရှိနေခဲ့တာ၊ စကားတွေပြောခဲ့တာ၊ ကတိတွေ ပေးခဲ့တာ စတဲ့ ဖြစ်ရပ်တွေဟာ ကြည်နူးစရာပဲ ဖြစ်ပါတယ်။

၃ - မိသားစု

(သင်စိတ်ဝင်စားနိုင်မယ့် ဆောင်းပါး - ချစ်သူများနေ့မှာ ယောက်ျားတွေလိုချင်တဲ့အရာ (၅) မျိုး )

၄ - ကြိုတဲ့အချိန်

အဝေးက သူပြန်လာတာကို ကြိုတဲ့အချိန်ဖြစ်ပါတယ်။ လတွေနှစ်တွေ ခွဲပြီး ပြန်ဆုံရတဲ့ အချိန်ဖြစ်ပါတယ်။ အကြာကြီး မခွဲဖူးတဲ့ စုံတွဲတွေကတော့ ဒီပျော်ရွှင်မှုကို သိဖို့ခက်ပါမယ်။

၅ - ရန်ပွဲ

တစ်ယောက်နဲ့ တစ်ယောက် နာကျင်အောင်ပြောပြီး ရန်ဖြစ်ပါတယ်။ မကြိုက်တာတွေကို ပြောပါတယ်။ ဒီလို ရန်ဖြစ်နေချိန်မှာပဲ သူနဲ့ ကွဲမှာ မဟုတ်ဘူးဆိုတာ သိနေတဲ့ အခိုက်အတန့်ဖြစ်ပါတယ်။ ဒါဟာ နားလည်ယုံကြည်မှုတစ်ခု ရှိထားတဲ့ စုံတွဲတွေ သိတဲ့ အခိုက်အတန့် ဖြစ်ပါတယ်။

၆ - ခရီး

စုံတွဲတွေ သူတို့ရဲ့ အကောင်းဆုံးအချိန်လို့ အများဆုံးပြောလေ့ရှိကြတဲ့ အခိုက်အတန့် ဖြစ်ပါတယ်။ နှစ်ဦးသား ခရီးထွက်ကြတဲ့ အချိန်ကို တသသ ပြန်ပြောရလောက်အောင် အမြဲတမ်း သတိတရရှိကြပါတယ်။ နှစ်ဦးစလုံး ငယ်ရွယ်လွပ်လပ်နေတဲ့ အချိန်မှာ အသစ်အဆန်းတွေနဲ့ ထိတွေ့ရတဲ့ အခိုက်အတန့် ဖြစ်ပါတယ်။

(သင်စိတ်ဝင်စားနိုင်မယ့် ဆောင်းပါး - ပထမဆုံးချိန်းတွေ့မှုမှာ ဘာတွေပြောကြမလဲ )

၇ - ရှင်သန်မှု

သစ်ပင်တစ်ပင်ကို အတူစိုက်တာ၊ ခွေးလေးတစ်ကောင်မွေးကြည့်တာမျိုး ဖြစ်ပါတယ်။ သူတို့ရှင်သန်လာတာကို ကြည့်ရင်း နှစ်ဦးသား ကြည်နူးရတဲ့ အချိန်တွေ ဖြစ်ပါတယ်။ တစ်ဦးနဲ့ တစ်ဦး နားလည်မှု ပိုရှိလာတဲ့အခိုက်အတန့်တွေလည်း ဖြစ်ပါတယ်။

၈ - ဆုံးရှုံးချိန်

အလုပ်ပြုတ်သွားတဲ့အချိန်မှာ သူ ကိုယ့်ကိုယ် အားပေးခဲ့တာကို မမေ့နိုင်ပါဘူး။ နှစ်ယောက်စလုံး အလုပ်မရှိတဲ့အချိန်မှာ အတူဝေမျှစားခဲ့ကြတာဟာ ပြန်ပြောရင် ကြည်နူးစရာပါ။ မိခင်၊ ဖခင်လို အရေးကြီးတဲ့မိသားစုဝင်တစ်ဦး ဆုံးရှုံးသွားချိန်မှာ သူ ကိုယ်ဘေးနား ရှိပေးခဲ့တာတွေဟာ မမေ့နိုင်စရာပါ။

(သင်ကြိုက်နိုင်မယ့် ဆောင်းပါး -အမြဲတမ်း တစ်ကိုယ်တည်းဖြစ်နေရတဲ့ အမျိုးသမီးတွေနဲ့ပတ်သက်ပြီး သင်နားမလည်တဲ့ အချက် (၆) ချက် )

Photos & Source: cosmopolitan