ချစ်သူများနေ့လို့ ခေါ်ကြတဲ့ ဗယ်လန်တိုင်းနေ့ (Valentine's Day) ဟာ ချစ်သူတွေအတွက်တော့ ပျော်စရာကောင်းနေပါလိမ့်မယ်။ ဒါပေမဲ့ FA တွေအတွက်တော့ ဒါက လစ်လျူရှုစရာနေ့တစ်နေ့လည်း ဖြစ်နေမှာပါ။ ဒါမှမဟုတ် မုန်းစရာကောင်းတဲ့နေ့တစ်နေ့လည်း ဖြစ်နေနိုင်ပါတယ်။ တချို့ကတော့ ဗယ်လန်တိုင်းနေ့မှာ အသည်းကွဲခဲ့ရလို့ အဲ့ဒီနေ့ကို မနှစ်မြို့ကြတာပါ။ ဗယ်လန်တိုင်းနေ့မှာ အသည်းကွဲခဲ့ရတဲ့ ကောင်မလေးတွေက သူတို့ရဲ့အဖြစ်အပျက်တွေကို ပြန်ပြီးရင်ဖွင့်ခဲ့ကြပါတယ်။
၁။ အသည်းကွဲတဲ့နေ့
" ကျွန်မရဲ့ ရည်းစား(ဟောင်း)က ဗယ်လန်တိုင်းနေ့မှာ သူ့အိမ်ကိုလာလည်ဖို့ဖိတ်တယ်။ အရမ်းကို စိတ်လှုပ်ရှားသွားတာပေါ့။ သူက ပုံဆွဲဝါသနာပါသူဆိုတော့ သူ့အတွက် စာအုပ်တွေ ခဲတံတွေဝယ်သွားခဲ့တယ်။ ကျွန်မနေတဲ့နေရာနဲ့ သူ့အိမ်နဲ့က နာရီဝက်လောက် ကားမောင်းသွားလိုက်ရတယ်။ ဟိုလည်းရောက်ရော သူ့ပုံစံက တစ်မျိုးကြီးဖြစ်နေတယ်။ ကျွန်မလည်း လက်ဆောင်ပေးပြီးတာနဲ့ သူဘာဖြစ်နေတာလဲ မေးလိုက်တော့ အခုပဲလမ်းခွဲရအောင်လို့ သူကပြောတယ်"
_ ရှန်နာ၊ နယူးယော့ခ်မြို့
၂။ လူလိမ်လူညာ
" အလယ်တန်းကျောင်းသူဘဝတုန်းက အရမ်းကိုကြွေခဲရသူတစ်ယောက်ရှိတယ်။ ချစ်သူအဖြစ် နေပေးမလားလို့ သူကပြောတော့ ကိုယ့်မှာ ပျော်လွန်းလို့ ဘယ်လောက်ချစ်တယ်၊ လွမ်းတယ်ဆိုတဲ့အကြောင်းတွေကို ပြောင်ပြောင်လက်လက် (Glitter) စာလေးတွေနဲ့ ပို့ဖြစ်ခဲ့တယ်လေ။ ဗယ်လန်တိုင်းနေ့မရောက်ခင် တစ်ရက်အလိုကျတော့မှ သူက ကျွန်မကို နောက်ပြောင်နေခဲ့ပါဆိုပြီး ကျွန်မရဲ့အခင်ဆုံးသူငယ်ချင်းကို သွားပြောပြလိုက်တယ်။ ဘာဖြစ်မလဲ သိချင်လို့ လုပ်ခဲ့တာပါတဲ့"
_ ကာရိုလင်း ၊ နယူးယော့ခ်မြို့
သင်အကြိုက်တွေ့နိုင်မယ့်ဆောင်းပါး ---> ကျောင်းတုန်းကတွဲခဲ့တဲ့ စုံတွဲတွေ မမြဲရတဲ့ အကြောင်းအရင်း (၅) ချက်
၃။ ရှက်ရွံ့နာကျည်းစရာ
" ဗယ်လန်တိုင်းနေ့မှာ ကျွန်မရဲ့အခင်ဆုံးသူငယ်ချင်းကို ကျွန်မအချစ်တွေ ထုတ်ပြောလိုက်တယ်။ ကျွန်မရဲ့ခံစားချက်တွေကို ပြောပြပေမဲ့ သူကတော့ အဲ့လိုမခံစားရဘူးလို့ပြောတယ်။ ကျွန်မတို့နှစ်ယောက်လုံးနဲ့ခင်တဲ့ သူငယ်ချင်းတစ်ယောက်နဲ့ တိတ်တဆိတ်တွဲနေကြပြီလို့ ဆိုတယ်။ ပြီးတော့ အဲ့ဒီကောင်မလေးက ဘယ်လိုလန်းကြောင်း၊ သူ့ကို ဘယ်လိုခံစားရစေကြောင်းတွေပါ ဆက်ပြောတယ်လေ။ သူနဲ့ကျွန်မလည်း ခဏလောက်စကားမပြောဖြစ်တော့ဘူး။ ကျွန်မလည်း အသည်းကွဲတာ အချိန်အတော်ကြာသွားခဲ့တယ်"
_ ဂရေ့စ်၊ ဝင်ကန်ဆင်မြို့
Source : Cosmo
သင်အကြိုက်တွေ့နိုင်မယ့်ဆောင်းပါး ---> ချစ်သူများနေ့အပေါ် နိုင်ငံအသီးသီးရဲ့ ထုံးတမ်းအစဉ်လာများ