၁ - တပ်ကူ

သင့်လူရဲ့သူငယ်ချင်းတွေက သင်သဘောကျတဲ့လူမျိုးတွေ မဟုတ်ပါဘူး။ ဒီလူတွေနဲ့ တွေ့ဖို့ရှိတယ်ဆိုရင် သင့်ဘက်က လုပ်နိုင်စရာ တစ်ခုရှိပါတယ်။ ဒါကတော့ သင့်သူငယ်ချင်းတွေကိုလည်း ခေါ်သွားတာ ဖြစ်ပါတယ်။ သင်တစ်ကိုယ်တည်း ဒီလူတွေကို ရင်ဆိုင်စရာ မလိုပါဘူး။ သင့်သူငယ်ချင်းတွေကိုလည်း လာရောက်ပူးပေါင်းဖို့ ဖိတ်ခေါ်လိုက်ပါ။ သူ့ဘက် သူငယ်ချင်းတွေနဲ့ပဲ အချိန်ကုန်ဆုံးရမယ်ဆိုတာမျိုးက အဓိပ္ပါယ်မရှိပါဘူး။

၂ - အပေါင်းအသင်းသစ်

သူ့သူငယ်ချင်း၊ ကိုယ့်သူငယ်ချင်းဆိုပြီး ခွဲခြားနေမယ့်အစား နှစ်ယောက်စလုံးခင်တဲ့ လူတွေကို သူငယ်ချင်းအဖြစ် သတ်မှတ်လို့ရပါတယ်။ သင်တန်းတစ်ခုကို နှစ်ယောက်အတူတက်ပြီး နှစ်ယောက်အတူခင်တဲ့ သူငယ်ချင်းမျိုးရှာလို့ရပါတယ်။ gym တစ်ခုကို နှစ်ယောက်အတူသွားဆော့တဲ့အခါ နှစ်ယောက်စလုံးခင်တဲ့လူမျိုး တွေ့နိုင်ပါတယ်။ နှစ်ယောက်စလုံးက စာဖတ်ရတာ သဘောကျတယ်ဆိုရင် စာအုပ်နဲ့ပတ်သက်ပြီး ခင်တဲ့လူတွေက သင်တို့နှစ်ယောက်စလုံးအတွက် အဆင်ပြေမှာပါ။

၃ - မကြောက်နဲ့

သူ့သူငယ်ချင်းတွေကို မကြိုက်ဘူးဆိုရင် သင်မတွေ့ရုံပါပဲ။ သင်မကြိုက်တဲ့ သူ့သူငယ်ချင်းတွေနဲ့ ရှိနေတယ်ဆိုရင် သင်မသွားရုံပါပဲ။ ဒီလူတွေနဲ့ မပေါင်းရဘူးလို့တော့ သွားမကန့်သတ်ပါနဲ့။ နှစ်ဦးသားဆက်ဆံရေးမှာ အဖုအထစ်တစ်ခု ဖြစ်သွားနိုင်ပါတယ်။ အကောင်းဆုံးကတော့ သင်မကြိုက်ဘူးဆိုတာကိုတောင် မသိပါစေနဲ့။ သူ့သူငယ်ချင်းတွေကို ပါးပါးနပ်နပ်နဲ့ ရှောင်ရမှာ ဖြစ်ပါတယ်။

၄ - ရင့်ကျင်ပါ

သူ့သူငယ်ချင်းတွေကို သင်လက်မခံပေးနိုင်တာ ပြဿနာမဟုတ်ပါဘူး။ ကိုယ့်လူကိုပဲ ကိုယ်က သဘောကျတာပါ။ သူ့သူငယ်ချင်းတွေကို ကြိုက်တာ မဟုတ်ပါဘူး။ လူတိုင်းကိုလည်း သင်က သဘောကျနေနိုင်မှာလည်း မဟုတ်ပါဘူး။ ဒီလူတွေကြောင့် သင်စိတ်ဆင်းရဲမခံပါနဲ့။ သင်တို့ နှစ်ဦးသားဆက်ဆံရေးကို အနှောင့်အယှက်အဖြစ်မခံပါနဲ့။ သူ့သူငယ်ချင်းတွေနဲ့ ရောတာမျိုး မလုပ်ဘဲ အစောကြီးကတည်းက အကန့်လေးခွဲထားသင့်ပါတယ်။

(သင်ကြိုက်နိုင်မယ့် ဆောင်းပါး - လက်ထပ်ဖို့ အသင့်မဖြစ်သေးဘူးဆိုတဲ့ အချက် (၆) ချက်)

Photos & Source: Relationship